ABŞ Mərkəzi Komandanlığının xüsusi əməliyyat qüvvələrinin eks-komandanı Maykl Naqata Rusiya və ABŞ qüvvələrinin Suriyada toqquşması ehtimalına toxunub.
Modern.az xarici KİV-ə istinadla xəbər verir ki, generalın fikrincə, bu hadisənin baş vermə ehtimalı çox aşağıdır.
“Bunun baş verməsi üçün yeganə variant, suriyalıların ruslarla birgə İŞİD-dən savayı, amerikalı əsgərlərə hücum etməsi ola bilər”.
Naqata bu ehtimalın mümkün olmadığı qənaətindədir. Bundan başqa, amerikalı general İŞİD qruplaşmasının ağır zərbə alsa da, tam məhv edilmədiyini də sözlərinə əlavə edib.
