Arxiv
28 Noyabr 2019, 08:49 | MƏDƏNİYYƏT
Türk rejissor: “Türkiyədə Azərbaycan filmləri təbliğ olunmur” - MÜSAHİBƏ

Modern.az saytında yayımlanan “Art Time” rubrikasının budəfəki qonağı “Türk Filmləri Həftəsi” çərçivəsində Bakıya gələn rejissor Seyid Çolak oldu. Gənc rejissor “Türk Filmləri Həftəsi”ndə “Kapan” (“Tələ”) filmi ilə təmsil olunub. Qeyd edək ki, filmin ilk nümayişi 26 noyabrda baş tutsa da, ikinci dəfə 28 noyabr 2019-cu il tarixində saat 19:00-da Nizami Kino Mərkəzində yenidən təqdim olunacaq.


- Necə oldu ki, belə bir film çəkmək istədiniz? İdeya necə yarandı?


-
Öncəliklə danışmağa məkandan başlamalıyıq.  Filmin çəkiləcəyi məkanları gördüm və onlar məni özünə çox cəzb etdi. Çünkü mənim üçün filmdə məkan anlamı çox önəmlidir. Yaxşı bir məkandan təsirləndikdən sonra sən orada öz ideyanı həyata keçirmək üçün ssenari üzərində işləməyə başlayırsan. Mən bir coğrafiya dərgisində məkanı gördüm. Sonra ora ilə tanış olmaq üçün o məkandan bəhs edən sənədli film izlədim. Daha sonra o adaya uyğun hekayə yazıb, xarakterlər əlavə edərək, ssenarini işləməyə başladıq. Filmdə yaratdığımız xarakterlər də tam olaraq bu adaya aid olan xarakterlərdir.


- Məkanlar haqqında danışdınız. Film tam olaraq hansı məkanlarda çəkilib?

-
Ərdahanda “Çıldır” gölündə. İspartanın Beyşehir gölündəki “Mada” adasında və həmçinin İspartada “Küçüktırtar” deyilən bir kənd var və biz məkan olaraq oradan istifdə etdik.


- Bu filmə baxdığım zaman uzun illər öncə çəkilmiş və Fransada “Qızıl palma” mükafatı almış Yılmaz Güney və Şərif Görənin “Yol” filmini xatırladım. Məkan çəkilişləri, filmin tempo ritmi və bir çox səhnələr arasında bənzərlik hiss etdim. Fikrimlə razısınızmı? Bu bənzərlik haqqında daha öncə sizə fikir bildirən olmuşdu?


- Bir neçə fərqli rejissora bənzədən olsa da, mənim rejissor yanaşmamı Yılmaz bəyə bənzədən hələ ki olmamışdı. Doğrudu, bu filmdə kişilərin qadını qarda daşıma səhnələri “Yol” filmindəki qadının daşınması səhnələrinə bənzəyir. Özəlliklə mən bu səhnədəki kadrları ön plandan çəkmədim ki, “Yol” filmindəki səhnə ilə eyni olmasın. Normalda qadının daşınma səhnəsində o filmlə oxşar kadrlar çox olsa da, mən montajda onları çıxartdım. Təbii ki, Yılmaz Güneyin filmlərini və xüsusilə də “Yol”u  çox sevirəm. Ümumiyyətlə sosial gerçəyi təsvir edən “Ümid”, “Yol”, “Divar” kimi ekran əsərləri sevdiyim filmlərdir.


- “Kapan” filminin çəklişləri zamanı problemlər çox oldu?


- Bəli. Çünkü belə filmlərin hazırlanması böyük büdcə tələb edir. Bizim film əslində daha böyük büdcə tələb edirdi, lakin biz əlimizdəki imkanlarla çəkməyə çalışdıq. Bunun xaricində mənim ciddi bir problemim olmadı. Sənətimi sevdiyim üçün çəkimlərdən çox böyük zövq aldım və hətta əyləndim. Bir daha belə bir imkanım olsaydı, böyük məmuniyyətlə bunu edərdim.


- “Kapan” filminin maddi tərəflərini kim qarşıladı?


- “Kapan” Türkiyənin Mədəniyyət Nazirliyinin sifarişi əsasında, “Sinema” Genel Müdirliyinin dəstəyi əsasında çəkilmiş filmdir. Həmçinin, TRT bizim filmimizin əsas dəstəkçisidir. Fürsətdən istifadə edərək, çəklişdə bizə göstərdiyi dəstəyə görə Ərdahan Bələdiyyəsinə  xüsusi minnətdarlığımı bildirmək istərdim. Başqa bir sponsorumuz olmadı.


- Filminizin ssenari seçimi necə aparıldı? Ssenarini prodüsser, yoxsa filmin rejissoru olaraq siz seçdiniz?


- Seçimlər rejissora həvalə olunduğu üçün bunu birbaşa olaraq özüm seçdim. Çəkəcəyim filmin kiçik bir hekayəsini yazdım və ssenarist Güvən Adıgözələ təqdim etdim. Güven Adıgözel hekayəni və məkanları çox bəyəndi və biz ssenarini yazmağa başladıq.

- Tam metrajlı “Kapan” filminin çəkimləri nə qədər vaxt apardı?


- Çəkilişlərimiz təxminən bir ay vaxt apardı. Daha sonra isə montaj prosesinə başlanıldı.


- Gələk gündəmin ən çox maraqlı olduğu bir suala: Filmin büdcəsi nə qədərdir?


- 1 175 000 türk lirəsi - yəni manatla desək 300 000 manat civarındadır.


- Yeni bir film haqqında düşünürsünüzmü?


- “Obruk” adlı yeni filmimizin ssenarisini artıq bitirmişik. Ən qısa zamanda çəkimlərə start verəcəyik. 2020-ci ilin sonları və ya 2021-in əvvəlləri başlamağı düşünürük.


- “Kapan” filmi hansı festivallara qatılıb? Qalib ola bilmisinizmi?


- Filmimiz Moskva və Madrid festivallarının iştirakçısı olub. Malatya film festivalında “Ən yaxşı rejissor” və “Ən yaxşı film musiqisi” nominasiyaları üzrə mükafat qazandıq. Mərakeş film festivalının qalibləri sırasında oldu.


- Azərbaycana ilk gəlişinizdir? Bakını bəyəndiniz?


- Həm filmimin, həm də mənim Azərbaycana və Bakıya ilk gəlişimdir. Bakı çox gözəl şəhərdir. Gözlədiyimdən də daha gözəl... Xüsusilə şəhərin interyerini və buradakı binaları çox bəyəndim. Bakı modern və təmiz şəhərdir. Ən qısa zamanda bir daha Bakıya gəlmək istərdim. Düşünürəm ki, qardaş ölkənin vətəndaşları kimi bu, bizim haqqımızdır.


- Bəs qardaş ölkənin vətəndaşı və rejissoru olaraq Azərbaycan filmləri haqqında məlumatınız var?


- Azərbaycanın “Oskar” mükafatı almış ssenaristi Rüstəm İbrahimbəyovu tanıyıram. Bəzən festivallarda Azərbaycan filmləri ilə qarşılaşıram, lakin Türkiyədə Azərbaycan filmlərinin təbliğatı çox az aparılır. Məsələn, sizin Mədəniyyət Nazirliyi Türkiyədə Azərbaycan filmləri həftəsi təşkil etsəydi, filmlərinizi daha yaxından tanımaq imkanımız yaranardı.


Leyla Şah

BU KATEQORİYADAN OLAN DİGƏR XƏBƏRLƏR
+ Arxiv
Ziyafət Əsgərov və Hadı Rəcəbli Lənkəranda 20 Yanvar şəhidlərinin abidəsini ziyarət ediblər  20 Yanvar 2020, 17:08 Siqaret çəkən futbolçular millimizin heyətindən qovuldu 20 Yanvar 2020, 17:00 Fransa səfiri Azərbaycan xalqına başsağlığı verib 20 Yanvar 2020, 16:52 Rus generalı 20 yanvar qırğınından YAZIB: “Xalq Cəbhəsinin dəniz vağzalındakı mərkəzini tutduq” 20 Yanvar 2020, 16:45 “Unutmadıq, unutmarıq!” - AzTV-nin şəhidlərimizə həsr etdiyi videoçarx 20 Yanvar 2020, 16:37 Axısxa türkü olan “Azərbaycan bayrağı” ordenli döyüşçü ölüm ayağındadır 20 Yanvar 2020, 16:29 Sarkisyanın cinayət işi ilə bağlı materiallar prokurorluğa GÖNDƏRİLDİ 20 Yanvar 2020, 16:20 BBC-nin baş direktoru istefaya gedir 20 Yanvar 2020, 16:11 Məşhur Məmmədov Şəhidlər xiyabanını ziyarət edib 20 Yanvar 2020, 16:03 Lavrovdan Liviya AÇIQLAMASI 20 Yanvar 2020, 15:55 Azərbaycanda ana və üç övladı itkin düşdü - FOTO 20 Yanvar 2020, 15:48 Mövlud Çavuşoğludan 20 Yanvarla bağlı paylaşım - FOTO 20 Yanvar 2020, 15:40 Deputatlığa namizədlərin təbliğat fotoları: Niyə əksəriyyət “əliqoynunda” dayanır 20 Yanvar 2020, 15:32 "Fitch" Azərbaycan üzrə reytinqi təsdiqləyib 20 Yanvar 2020, 15:24 Bir gündə 20 cinayətkar tutuldu 20 Yanvar 2020, 15:17 Meyxanaçının bacısı oğlunun intiharı ilə bağlı cinayət işi başladı 20 Yanvar 2020, 15:10 Baş prokuror istefa verdi 20 Yanvar 2020, 15:02 Azərbaycanda kişi küçədə soyuqdan donaraq öldü 20 Yanvar 2020, 14:55 Sumqayıtda qəzaya düşən 7 tibb işçisindən XƏBƏR VAR 20 Yanvar 2020, 14:47 Deputatlığa namizəd Rövşən Sadıxov Bərdədə Şəhidlər Xiyabanını ziyarət edib - FOTOLAR 20 Yanvar 2020, 14:40 Məşhur rus generalı 20 yanvarda Bakını necə işğal etməsindən YAZIB 20 Yanvar 2020, 14:33 ABŞ səfiri 20 Yanvar qurbanlarının xatirəsini anıb - FOTO 20 Yanvar 2020, 14:24 "Qoca"nın qardaşı həbs olundu - FOTO 20 Yanvar 2020, 14:15 Türkiyənin Azərbaycandakı səfirliyinin bayrağı endirilib 20 Yanvar 2020, 14:09 Gəncədə ümumşəhər tədbiri keçirilib - FOTO 20 Yanvar 2020, 14:03 20 Yanvar faciəsi qurbanlarının əziz xatirəsi yad edildi - FOTO 20 Yanvar 2020, 13:54 Ziyafət Əsgərov və Hadi Rəcəbli  Şəhidlər xiyabanını ziyarət ediblər - FOTOLAR 20 Yanvar 2020, 13:46 “Qırmızı kitab”a düşən maralları satmaq istəyən şəxs SAXLANILDI 20 Yanvar 2020, 13:38 Hacıqabulda ümumrayon tədbiri keçirilib - FOTO 20 Yanvar 2020, 13:30 "İşğalçı Ermənistanla fars hakimiyyətinin bugünkü qardaşlaşması nədir..?" 20 Yanvar 2020, 13:22 İsmayıllıda ağır qəza - 1 ölü, 7 yaralı 20 Yanvar 2020, 13:14 İran Davos İqtisadi Forumunda iştirakdan imtina etdi 20 Yanvar 2020, 13:05 Prezidentin köməkçisindən Qorbaçovla bağlı ÇAĞIRIŞ 20 Yanvar 2020, 12:57 Sabah hava necə olacaq? 20 Yanvar 2020, 12:48 20 Yanvar faciəsində harada idiniz: Elçin Şıxlı, Rəşad Məcid, Elşad Eyvazlı… 20 Yanvar 2020, 12:39
SORĞU Yeni parlamentdə kimlər olsun?