“Deputat seçilmək mənim istəyimlə olan məsələ deyil. Deputatı hər şeydən əvvəl xalq seçməlidir”.
Bu fikirləri Modern.az-a açıqlamasında beşinci çağırış Milli Məclisin deputatı olmuş, ehtiyyatda olan general-leytenant Əliağa Hüseynov növbədənkənar parlament seçkilərində namizədliyini irəli sürüb-sürməməklə bağlı sualı cavablandırarkən deyib.
Deputat bildirib ki, onun yenidən deputat seçilməsinə xalq qərar verə bilər:
“Əgər Salyan camaatı məni deputat görmək istəsə, namizədliyimi irəli sürə bilərəm. Xalq istəməsə, mən necə deputat olaram?! Bu cür məsələlərdə xalqın fikirləri öndə olur. Xalq nə qərar versə, o da olacaq. Mən əlavə nəsə deyə bilmərəm”.
Qeyd edək ki, Milli Məclisin IV və V çağırış deputatı olmuş Əliağa Hüseynov 59 saylı Salyan seçki dairəsini təmsil edib. Partiya mənsubiyyəti yoxdur.
