Bu gün Azərbaycan Dövlət Mədəniyyət və İncəsənət Universitetində Qanlı 20 yanvar faciəsinin 30 illiyinə həsr olunan tədbir keçirilib.
Modern.az xəbər verir ki, ədəbi-bədii tədbirdə əməkdar artistlər Ağalar Bayramov, Yaqut Abdullayev və Azad Şükürov, ADMİU-nun tələbləri və media nümayəndələri iştirak ediblər.
Tədbirin başlanğıcında 20 Yanvar şəhidlərinin xatirəsi bir dəqiqəlik sükutla yad edilib. Daha sonra ADMİU-nun Teatr sənəti fakültəsinin tələbləri Ələkbər Axundov, Röyal Allahverdiyev, Rəfael Quliyev, Aysel Feziyeva,Mehin Məmmədli, Saleh Cümşüdlü, Çinarə Səmədova, Elsevər Rəhimov, Esmiralda Abdullayeva, Çinarə Qurbanova və Orxan İsrafilov "20 Yanvar-qürur günümüz" adlı ədəbi-bədii kompozisiyanı təqdim ediblər. Qan yaddaşımızı əks etdirən kompozisiya maraqla qarşılanıb.
Qeyd edək ki, kompozisiyanın ssenari müəllifi və quruluşçu rejissoru əməkdar artist Mahirə Yaqubovadır.
