122 saylı Xankəndi seçki dairəsindən növbədənkənar parlament seçkilərində namizədliyi qeydə alınan Səbuhi Gündüz oğlu Səmədov təbliğat-təşviqat kampaniyası çərçivəsində Gəncə şəhəri, Nizami rayonu, Bayan küçəsi 143 A ünvanında seçicilərlə görüş keçirib.
Modern.az xəbər verir ki, “Daşaltı əməiyyatı”nın 28-ci ildönümünə təsadüf edən görüşdə ilk olaraq Azərbaycanın ərazi bütövlüyü uğrunda canından keçən oğul və qızlarımızının xatirəsi 1 dəqiqəlik sükutla yad edilib.
Daha sonra özü haqqında seçicilərə məlumat verən S.Səmədov seçkilərə qoşulmaqda məram və məqsədini açıqlayaraq, sözdə deyil, əməldə seçicilərinin etimadını doğruldacağını qətiyyətlə vurğulayıb.
Sonda Xankəndi şəhəri Kərkicahan qəsəbə sakinlərinin təklif və tövsiyyələrini dinləyən Səbuhi Səmədov 9 fevralda hər kəsi seçkilərdə fəal olmağa çağırıb.
