Mərkəzi Seçki Komissiyasında 23 saylı Nəsimi-Səbail seçki dairəsi üzrə daxil olan müraciətlər müzakirəyə çıxarılıb.
Modern.az xəbər verir ki, müraciət haqqında MSK üzvü Tofiq Həsənov məlumat verib.
O qeyd edib ki, araşdırma zamanı müraciət etmiş deputatlığa namizəd Zakir İsmayılın müraciətinin əsassız olduğu aydınlaşıb.
MSK üzvünün təklifi, MSK-nın ekspert qrupunun rəyi ilə şikayət təmin edilməyib.
Qeyd edək ki, həmin dairədən qalib namizəd Ziyad Səmədzadədir.
Onu da qeyd edək ki, komissiyanın bundan öncəki iclaslarında 23 saylı seçki dairəsi üzrə 4 məntəqənin nəticələri etibarsız sayılıb.