Mərkəzi Seçki Komissiyasının (MSK) bu gün keçirilən iclasında 40 saylı Kəpəz ikinci seçki dairəsindən şikayətlərə baxılıb.
Modern.az xəbər verir ki, MSK üzvü Tofiq Həsənov şikayəti araşdırıb. O qeyd edib ki, namizədlər Nurlan Abbaszadə və digərləri MSK-ya müraciət edərək, bir sıra seçki məntəqələrində pozuntuların olduğunu iddia ediblər.
T.Həsənovun sözlərinə görə DSK müraciətləri araşdıraraq, təmin edilməməsini qərara alıb.
MSK yekun olaraq, həmin seçki dairəsinin 4 və 6 saylı seçki məntəqələrində səsvermənin nəticələrinin etibarsız sayılmasını qərara alıb.
Qeyd edək ki, həmin dairədən lider namizəd Musa Quliyevdir.