Arxiv
26 Aprel 2020, 11:51 | REPORTAJ
Bir şəklin tarixçəsi: SSRİ-nin sonuncu çempionlarıməşhur azərbaycanlı “ÜÇLÜK

Vaxtilə Azərbaycanı şahmat üzrə beynəlxalq yarışlarda təmsil edən məşhur bir “üçlük” var idi - Firuzə Vəlixanlı, Aynur Sofiyeva, Nigar Sultanova...

Sonralar onlar müxtəlif səbəblərdən karyeralarını vaxtından bir qədər tez başa vururaq, şahmat sahəsindən uzaqlaşdılar. 

Modern.az saytının “Bir şəklin tarixçəsi” rubrikasında təqdim etdiyi budəfəki fotoda həmin o məşhur “üçlük” əks olunub...

Bəlkə də bugünkü gənc nəsil onları yaxşı tanımır, amma Azərbaycanın yaşlı şahmatsevərləri şübhəsiz ki, bu trionu yaddan çıxarmayıb...

Zaman 1986-cı ilin iyulu... Məkan Belarusun paytaxtı Minsk... SSRİ Xalqlarının 9-cu Spartakiadasında şahmat üzrə qadınlardan ibarət Azərbaycan yığma komandası çempion olmuşdu... Çempionluq titulunu respublikamıza məhz bu “üçlük” qazandırmışdı - Firuzə Vəlixanlı, Aynur Sofiyeva, Nigar Sultanova...

Rusiya və Ukrayna kimi güclü komandaları geridə qoyan və bütün SSRİ-yə səs salan zərif şahmatçılarımız Minskdə 15 mümkün xaldan 9,5 xal toplayaraq 1-ci yeri tutmuşdular. Firuzə Vəlixanlı isə yarışda unikal rekorda imza atmışdı: keçirdiyi bütün görüşləri qələbə ilə başa vuran həmyerlimiz bu göstəriciyə görə hətta kişiləri də geridə qoymuşdu.

Tale elə gətirdi ki, həmin Spartakiada keçmiş SSRİ-də sonuncu oldu. Beləliklə, Firuzə Vəlixanlı, Aynur Sofiyeva, Nigar Sultanovadan ibarət Azərbaycanın qadın şahmat komandası SSRİ məkanının sonuncu çempionu oldu.

Bu mühüm qələbə o zaman Azərbaycanda böyük rezonans doğurmuş, respublikamızın idman tarixinə qızılı hərflərlə yazılmışdı. Azərbaycan televiizyası, ölkə qəzetləri bir müddət onları ön planda saxlamışdı. Hətta xalq yazıçısı Mirzə İbrahimov bu qələbədən ruhlanaraq, o vaxtki “Kommunist” qəzetində məşhur trioya həsr olunan şeir çap etdirmiş, həmçinin məlum qələbə münasibəti ilə “Ən gənc”, “İlk zirvələr” adlı sənədli filmlər çəkilmişdi.

Sözügedən qələbədən sonra Azərbaycan SSR Şahmat Federasiyasının və Respublika Şahmat Məktəbinin rəhbəri Çapay Sultanov “Azərbaycanın idman və bədən tərbiyəsi üzrə əməkdar işçisi”, həmin vaxt ölkə şahmatının inkişafında mühüm rolu olan məşqçilər Aleksandr Aslanov və Salman Süleymanov “Əməkdar məşqçi” fəxri adları ilə təltif olunmuşdular. 


Bəs həmin o məşhur trionun üzvləri indi haradadırlar?..

Aynur Sofiyeva 2007-cı ilin mart ayından etibarən Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədrinin müavini vəzifəsində çalışır. O, keçmiş futbolçu Yunis Hüseynovla evlidir, 2 qızları var.

Firuzə Vəlixanlı şahmat fəaliyyətinə 2007-ci ildən son qoyub. O, hazırda həyat yoldaşı və uşaqları ilə birgə ABŞ-ın Nyu-York şəhərində yaşayır. Şahmatçı xanımın həyat yoldaşı Tofiq Musayev Azərbaycanın BMT-dəki Daimi Nümayəndəliyində çalışır. Onları 3 övladı – bir qız, 2 oğlan -var

Təəssüf ki, Nigar Sultanova haqqında hər hansı məlumat əldə edə bilmədik...


Şəkildə əllərində gül dəstəsi tutmuş qızlar onlardır - soldan sağa: Firuzə Vəlixanlı, Aynur Sofiyeva, Nigar Sultanova...


A.Qorxmaz

BU KATEQORİYADAN OLAN DİGƏR XƏBƏRLƏR
+ Arxiv
Dünyada koronavirusa yoluxanların sayı 6 milyonu ötdü 30 May 2020, 02:46 Daha bir ölkə koronavirusa qalib gəldi 30 May 2020, 01:34 ABŞ-dan Çinə qarşı yeni sanksiya 30 May 2020, 00:56 Koronavirus bu ölkədə işsizlərin sayın ikiqat artırdı 30 May 2020, 00:49 Piyadanı vuran sürücü hadisə yerindən qaçdı 30 May 2020, 00:39 36 ölkə müraciət etdi: Borclar ertələnsin 30 May 2020, 00:24 Bakıda kişini dostu kürəyindən bıçaqladı 30 May 2020, 00:12 Türkiyədən Liviyaya xəbərdarlıq 29 May 2020, 23:59 Bakının mərkəzində KORONAVİRUS təhlükəsi - VİDEO 29 May 2020, 23:46 Fransada koronavirusdan sutkalıq ölü sayı 52 nəfərədək azaldı 29 May 2020, 23:33 ABŞ Ümumdünya Səhiyyə Təşkilatı ilə əlaqələri dayandırdı 29 May 2020, 23:20 Kommersiya elektrik təyyarəsi uğurla sınaqdan keçirilib 29 May 2020, 23:09 Neft 38 dollaradək bahalaşdı 29 May 2020, 22:54 UEFA Çempionlar Liqası ilə bağlı qərar bu tarixdə veriləcək 29 May 2020, 22:38 Bakıda qonşu qonşunu bıçaqladı 29 May 2020, 22:29 Bu ərazilərdə tibbi maskadan istifadə məcburi olacaq - RƏSMİ 29 May 2020, 22:16 Deputatdan politoloqa ETİRAZ 29 May 2020, 22:07 14 yaşlı yeniyetmə bədbəxt hadisə nəticəsində öldü 29 May 2020, 21:58 Silahlı insidentdə iki nəfər yaralandı 29 May 2020, 21:47 Azərbaycanda koronavirus şübhəsi olan  289 603 nəfər olub - FOTO 29 May 2020, 21:33 Naxçıvanda komanda-qərargah məşqi keçirilib 29 May 2020, 21:22 Virus 27 121 nəfərin həyatına son qoydu 29 May 2020, 21:08 Qara dərili jurnalist belə saxlanıldı - VİDEO 29 May 2020, 20:55 Son sutkada daha 28 nəfər koronavirusdan ölüb 29 May 2020, 20:42 Makqreqor yenidən Həbiblə qarşılaşa bilər 29 May 2020, 20:31 Türkiyədə bağlanan məscidlər 74 gün sonra açılıb 29 May 2020, 20:15 ATƏT Parlament Assambleyasından Azərbaycana təbrik 29 May 2020, 20:01 Hərbi müəssisələrdə və təcridxanalarda epidemioloji vəziyyət stabildir 29 May 2020, 20:00 Nazirlikdən hava xəbərdarlığı - temperatur 4 dərəcə aşağı enəcək 29 May 2020, 19:56 Uşaq bağçaları nə vaxt açılacaq? - TƏBİB-dən AÇIQLAMA   29 May 2020, 19:52 Koronavirus xəstələri üçün 7 min çarpayı ayrılıb 29 May 2020, 19:44 Qışda koronavirusun ikinci dalğası ola bilər - RƏSMİ 29 May 2020, 19:36 Tural Gəncəliyev Qarabağ separatçılarının rəhbərinə CAVAB VERDİ 29 May 2020, 19:30 Rayonlara gediş-gəliş nə vaxt bərpa olunacaq? - RƏSMİ AÇIQLAMA 29 May 2020, 19:25 Şənbə və bazar günləri məhdudiyyətlər tətbiq olunacaq - Operativ Qərargah 29 May 2020, 19:18