ABŞ-da afroamerikalı Corc Floydun ölümündən sonra baş qaldıran etiraz aksiyaları zamanı baş verən kütləvi iğtişaşlardan sonra daha bir ştatda komendant saatı tətbiq olunacaq.
Modern.az xəbər verir ki, Nyu-York rəhbərliyi etiraz aksiyaları və iğtişaşlar səbəbiylə bazar ertəsi axşamdan etibarən şəhər ərazisində komendant saatının tətbiqinə başlayacaq.
“Nyu-yorklular, mən Nyu-York ştatının qubernatoru Endryu Kuomo ilə danışdım, təhlükəsizliyin təmin edilməsi məqsədilə bu gecədən Nyu-York şəhərində komendant saatının tətbiq edilməsinə qərar verdik. Komendant saatı 23:00-dan səhər saat 05:00-dək qüvvədə olacaq”, - deyə Şəhər meri Bill de Blazio “Twitter” səhifəsində bildirib.
Qubernator Kuomo isə “Twitter” səhifəsində bildirib: “Nyu-York şəhərinin sakinləri, saat 23:00-dan sonra evlərinizi tərk etməməlisiniz”.