Arxiv
30 İyun 2020, 14:41 | PARLAMENT
“Ermənilər müharibədən it dəyənəkdən qorxan kimi qorxurlar” - Üç deputat

Ermənistanın son zaman həm cəbhə xəttində təxribatları, həm də informasiya müharibəsində aktivləşməsi medianın gündəminə çevirilib.

 

Bu barədə Modern.az-a danışan Milli Məclisin deputatları rəsmi İrəvanın bütün sahələrdə Azərbaycana qarşı təxribatlara davam etdiyini vurğulayıblar. 

 

Deputat Asim Mollazadə hesab edir ki, Ermənistanın son zamanlar aktivləşəsində yeni bir şey yoxdur:

 

“Onlar hər zaman etdiklərini ediblər. Ermənistan Azərbaycanla müharibəni tək işğal etdiyi ərazilərimizin ətrafında, sərhədlərində aparmır. Bu dövlət həm də bizimlə böyük bir informasiya müharibəsindədir. Baxmayaraq ki, Ermənistanın daxilində hakimiyyət uğrunda çox ciddi mübarizə gedir, Azərbaycanla mübarizədə onlar vahid qüvvə kimi çıxış edirlər. Mənə elə gəlir ki, Ermənistan öz təxribatlarını davam etdirəcək, buna son qoymayacaq. Daxildə ciddi problemləri olsa belə Ermənistan bu yoldan əl çəkməyəcək”.

 

Deputat Elman Məmmədov isə Ermənistan ATƏT-in Minsk qrupunun həmsədr dövlətlərindən, eyni zamanda beynəlxalq təşkilatlardan dəyişməz bir tələbi olduğunu xatırladıb:

 

“Onlar xarici təşkilatlar qarşısında tələb qoyurlar ki, biz sizə arxayınıq, Azərbaycanı müharibəyə başlamağa imkan verməzsiniz.  Bu məntiqlə eyni zamanda Azərbaycanın məlum gücü, qüdrəti qarşısında Ermənistan acizdir və müharibədən qorxur. Düşmən dövlətimizin gücü qarşısında özünün gücsüzlüyünü bilir. Cəbhə bölgəsində təxribatlar aparmaq, atəşkəsi pozmaq, bəzən sərsəm-sərsəm bəyanatlarla çıxış etmək Ermənistanda mövcud siyasi hakimiyyətin vəziyyətdən çıxış yolu tapmaq üçün çabalamasıdır. Ermənistanda siyasi hakimiyyətin başında duran şəxs küçədən gəlib, qeyri-qanuni şəkildə hakimiyyəti zəbt etdi. O küçə nümayişlərində çoxsaylı vədlər vermişdi. Bunun heç birini yerinə yetirə bilmədi. Əksinə, Ermənistanı daha gərgin vəziyyətə saldı. Bütün sahələrdə geriləmə getdiyinə görə erməni cəmiyyətinin diqqətini problemlərdən yayındırmaq üçün müxtəlif variantlara əl atırlar. Həmçinin cəbhədə təxribatlar törətmək, fikri yayındırmaq məqsədi güdürlər. Həqiqətdə isə ermənilər müharibədən it dəyənəkdən qorxan kimi qorxurlar”.

 

Elman Məmmədov düşünür ki, Azərbaycan Ermənistan dövləti ilə müharibə etməyəcək, sadəcə qısa müddətdə öz torpaqlarını işğaldan azad etmək üçün mövcud hərbi gücümüzdən istifadə edib, antiterror əməliyyatları keçirəcək:

 

“Ərazi bütövlüyümüzü təmin etmək haqqımızdan ermənilər qorxurlar, ona görə haray həşir salırlar.

Həmçinin Ermənistan üzv olduğu Kollektiv Təhlükəsizlik Müqaviləsi Təşkilatının diqqətini cəlb etmək istəyir. Azərbaycanın onlara təhlükə yaratdığını iddia edərək, üstə çıxmağa çalışırlar. Mən hesab edirəm ki, onlar etdikləri təxribatın cavabını alacaqlar. Biz torpaqlarımızı işğaldan azad etmək üçün fəaliyyətə başlamalıyıq”.

 

Deputat Anar İsgəndərli isə tarixi müqayisə edərək bildirib ki, indi dünya dəyişilib, 1990-cı illərin əvvəlindəki vəziyyət deyil:

 

“Bu gün erməni təbliğatının heç bir təsir gücü yoxdur. Hətta Ermənistanı müdafiə edən qüvvələr özləri də bilirlər ki, Qarabağ Azərbaycanın tarixi torpaqlarıdır. Ölkə başçısı prezident İlham Əliyev bir qədər də irəli gedərək, bütün dünyanı inandıra bildi ki, bu gün qurulmuş erməni dövlətinin özü də Azərbaycan torpaqlarında yaradılıb. Düşmən dərk edir ki, xaricdən kömək əvvəlki kimi gəlmir, lobbi əvvəlki kimi fəaliyyət göstərmir və Ermənistan çabalayır. Mən demirəm, Ermənistan sabah çökəcək. Sadəcə Ermənistan gec-tez Azərbaycanın torpaqlarını qaytarmalı olduğunu bilir. Sadəcə indi hansı sabotajdan, hansı hay-küydən istifadə edərək, addım atacağını dəqiqləşdirməyib.

Bu illər ərzində Azərbaycan dövləti, Azəraycan hakimiyyəti, Azərbaycan xalqı dünyanı inandıra bilib ki, hüquqa, torpağa haqqı olan da işğala məruz qalan da Azərbaycan tərəfidir. Ermənilər havadarlarından bircə gün kömək almasa, 2016-cı il aprel döyüşlərində olduğu kimi Azərbaycan qısa müddət ərzində öz tarixi torpaqlarında, İrəvanda otura bilər. Ermənistan bununla bağlı nə fikirləşir, fikirləşsin, gec-tez Azərbaycan işğal altındakı torpaqlarını qaytaracaq”.

 

Anar İsgəndərli onu da deyib ki, Azərbaycan koronavirusla bağlı BMT-yə üzv olan ölkələrə müraciət edirsə, 130-dən çox ölkə bir saat ərzində bu təklifə müsbət cavab verirsə, bu Azərbaycanın nüfuzudur:

 

“Bütün bunlar göstərir ki, ölkəmiz 1980-cı illərin sonu, 1990-cı illərin əvvəlindəki Azərbaycan deyil. Əminəm ki, Ermənistan nə deyir, desin, sonda torpaqlarımızı qaytaracağıq. Azərbaycan bu gün dünya dövlətlərinin çaldığı ilə oynamır. Biz müstəqil dövlət kimi öz təkliflərimizi, qərarlarımızı irəli sürə bilirik, haqqımızı müdafiə edirik. Azərbaycan tarixi torpaqlarını qaytarmaq üçün istər hərbi, istərsə də hüquqi baxımdan əlindən gələni edəcək. Ermənistan tarix boyu çabalayıb, göz yaşı töküb, güclü dövlətlərdən kömək dilənib. Lakin bu köməklər ermənilərə heç bir zaman başqasının  torpağında dövlət qurmaq haqqı vermir. Bu gün də qədəri ilə müəyyənləşdirilən köməyi artıq Ermənistan alıb. Heç bir dövlət Azərbaycanın gücünü, haqqını görəndən sonra Ermənistana böyük səviyyədə kömək edə bilməz”.

BU KATEQORİYADAN OLAN DİGƏR XƏBƏRLƏR
+ Arxiv
Azərbaycanda stilist intihar etdi - FOTO 4 Avqust 2020, 00:51 Bakıda 38 yaşlı kişi bıçaqlandı 4 Avqust 2020, 00:34 Bu ölkədə hər gün 50 min insan koronavirusa yoluxur 4 Avqust 2020, 00:23 Rusiyada miqrantlara iş icazəsi verilməsi proseduru çətinləşir 4 Avqust 2020, 00:06 Salyandakı zəncirvari qəzada baş həkim ağır xəsarət aldı   3 Avqust 2020, 23:56 Qarabağ BMT idarəçiliyinə verilsin - Amerikalı diplomat 3 Avqust 2020, 23:45 Samur-Abşeron kanalından meyit tapıldı 3 Avqust 2020, 23:33 Uçan taksi sınaqdan keçirildi - VİDEO 3 Avqust 2020, 23:18 İrəvanın qəbul edilən gerbinin mənası... 3 Avqust 2020, 23:07 Jurnalist onu mühafizə edən polislə birgə GÜLLƏLƏNDİ 3 Avqust 2020, 22:47 Gəncədə yataqxanada qadın bıçaqlandı 3 Avqust 2020, 22:34 Şəkidə 360 aztəminatlı ailəyə ərzaq yardımı çatdırıldı - FOTOLAR 3 Avqust 2020, 22:26 Reanimasiyadakı COVİD-19 xəstələrinin sayı AZALDI 3 Avqust 2020, 22:09 Dövlət Miqrasiya Xidmətinin sabiq rəisi vəfat etdi 3 Avqust 2020, 21:53 Şagirdlər üçün “Microsoft Teams” proqramı ilə bağlı təlim keçirilib 3 Avqust 2020, 21:41 Türkiyədə daha 19 nəfər koronavirusdan öldü 3 Avqust 2020, 21:29 Cəlalabadda həbsxanaya hücum: 29 nəfər öldü 3 Avqust 2020, 21:12 Çimərlik ərazilərdə istifadə qaydaları ilə bağlı VİDEOTƏLİMAT 3 Avqust 2020, 20:57 Çindən Azərbaycana tibbi ekspert qrupu göndəriləcək 3 Avqust 2020, 20:44 Kürdəmirdə ağır qəza: xəsarət alanlar var 3 Avqust 2020, 20:30 Xəzərdə dalğanın hündürlüyü 4.5 metrə çatdı 3 Avqust 2020, 20:17 İtaliyadan Azərbaycana həkimlər ağır xəstələrin müalicəsinə cəlb olunacaq 3 Avqust 2020, 19:41 Tibbi maskadan istifadə etməyənlərə qarşı reyd 3 Avqust 2020, 19:30 Tələbləri pozan 7629 obyekt cərimələnib 3 Avqust 2020, 19:18 İsveç azərbaycanlılarından TƏKZİB: Yayılan məlumat tamamilə yanlışdır 3 Avqust 2020, 19:14 Hikmət Hacıyev: Toy mərasimlərinin bərpası koronavirusun artmasına səbəb ola bilər 3 Avqust 2020, 18:57 Yaqut Qarayeva qızıl mağazalarının bağlı qalmasına aydınlıq gətirdi 3 Avqust 2020, 18:39 Məktəblər sentyabrın 15-də açılacaq? - Operativ Qərargahdan REAKSİYA 3 Avqust 2020, 18:34 TƏBİB: “İxtisas baxımından həkimlərimiz ən riskli qrupa daxildir” 3 Avqust 2020, 18:24 Hikmət Hacıyev: “Qarabağa dəstək aksiyası olmasaydı, yoluxma daha aşağı ola bilərdi” 3 Avqust 2020, 18:20 Bir rayondan digərinə getmək üçün hansı sənədlər tələb olunur? 3 Avqust 2020, 18:15 “Çimərliklərdə eyni vaxtda 100 minə yaxın vətəndaş istirahət edə bilər” - AÇIQLAMA 3 Avqust 2020, 18:10 “ASAN  xidmət”in sədri: “Rayona gedən şəxs ezamiyyə sənədini göstərib postdan keçə biləcək” 3 Avqust 2020, 18:04 Kiçik kafelər və açıq havada olan restoranlar açıla bilər - TƏBİB 3 Avqust 2020, 18:01 190 manatın verilməsi, iqtisadi paketlə bağlı məsələ MÜZAKİRƏ EDİLİR 3 Avqust 2020, 17:53