Arxiv
23 İyul 2020, 14:20 | ƏDƏBİYYAT
Sözə söykək polis ömrü

Hafiz Təmirov-polis polkovnik-leytenantı, Hafiz Hacxalıl-şair, publisist, Azərbaycan Yazıçılar və Jurnalistlər Birliklərinin üzvü, Prezident təqaüdçüsü və nəhayət, mənim canım dostum.


Onu universitetdən tanıyıram. Hafiz Bakı Dövlət Universitetində ikinci ali təhsil alırdı.  Bizim buralarda misal var: Heç nə təsadüf deyil. Hafiz ürəyindən şair, vicdanından polis, əxlaqından ailə atası, ruhundan dost, varlığından övladdır. İstər Vətənə, istər ata-anaya!


Bizim auditoriyaların birində daim filoloji tədbirlər keçirilərdi. İndiki kimi yadımdadır: 3-cü mərtəbə, 304-cü auditoriya. Səməd Vurğun poeziya ocağı.


Hafiz hərdən dərsə polis mundirində gələrdi.  Səmimiyyəti ona çoxlu dostlar qazandırmışdı. Düzü, polisin şeir yazdığını, oxuduğunu ilk dəfə görürdük və bu onu bizə daha da doğmalaşdırmışdı. Mənimsə ürəyimdə onun yeri ilk gündən fərqli idi. Bu fərqliliyin özəl səbəbi vardı: Bir doğmalıq, bir nisgilə eyni  ortaqlıq, bir qubara şəriklik hissi. Hafizlə ümumi cəhətlərimiz çox idi. Ən əsas da bir tamın hissələri idik biz onunla, bir ruhun əkizi kimi. Bizi birləşdirən ən böyük varlıq isə Vətən eşqi idi. İkimiz də müharibənin qanlı-qadalı vaxtlarında uşaqlıq yaşamışdıq. İkimiz də çörək qıtlığı görmüşdük, o qıtlıqda evin ən həssas üzvü olmuşduq. Mən müharibənin dəhşətini əmim Məhəmməd Abuşov şəhid olanda anladım. Hafiz isə sonuncu deportasiyadan sonra vətənsizliyin nə  demək olduğunu görmüşdü...Özü ilə Vətən gətirmişdi Bakıya Hafiz. Məni ona doğmalaşdıran da bu idi. Mənimçün Hafiz doğulduğu Dağ İlməzli kəndi, bütövlükdə Qərbi Azərbaycandır, Xocalıdır, Şuşadır, Kəlbəcərdir, Ağdərədir, Laçındır...Qubadlıdır...


Hafizə görə Vətən Ana dilidir, mənəviyyatdır, vicdandır, anadır, atadır, övladdır. Bunlardan uzaq düşmək dostum üçün özündən qopmaqdır.

Nə az, nə çox, 16 ildir dostuq. Bir igid ömrüdür deyərlər. Bizimsə bir dünya dostluq xatirələrimiz var. Şeirləşmələr, ədəbi prosesə baxış müzakirələrimiz. Şeirlərimizin ilk tənqidçiləriyik biz Hafizlə. 2002-2019-cu illər ərzində onun “Sevgi dolu ürəyəm”,”Gözləmə nə vaxtsa qayıtmağımı”, “Atillaya məktub”, “Dərdimdən ölən dərdlərim”, “İşıq”, “Sevgi də bir Vətəndir”, “Xatirən var” adlı könül səsləri işıq üzü görmüşdür. Bəzən olur da insanlar çoxu görüb çox yaradar. Bolluqda böyüyər. Tolstoy kimi... Amma Hafizi mən tanıyandan əli zəhmət içində olub. Müəllim ailəsində böyüyüb Hafiz. İndi də müəllim ailəsidir Hafizin ailəsi. Sanki qəribə məcaz var dostumun taleyində. Müəllim ailəsi kimi örnək taleyi yaşayır dostum Hafiz Təmirov...


Yazılarının birində Ziyadxana, Turana, Dənizə onların diliylə desək, “böyük oyuncaq” ala bilmədiyini özünə dərd eləməsi mənə qəribə gəlmişdi. Sonralar sığındığı 17 kvadratdakı huzuru, qayğını görəndə anlamışdım nə demək istədiyini.  

Min yerimdən sına-sına,

Oynadım qəm havasına,

Dərdlərimin laylasına

Balalarım yatır, qardaş,- deyir Hafiz.

 


Dağ nərgizlərinin sevdalısıdır. Hər dəfə nərgizdən söz düşəndə gözləri dolur. Dağ İlməzlini o güllərlə xatırlayır və

 

O, mənim ömrümə tanrıdan paydı,

Eşqimi çiçəkdən-çiçəyə yaydı.

Taleyi rənginə oxşamayaydı,

Güləydi üzünə bəxti nərgizin,-deməklə gözünü, könlünü ovudur...

 


Sözə söykək polisim Daxili İşlər Nazirliyinin  Mətbuat Xidmətinin rəisinin müavini, “Mübariz keşikdə” qəzetinin redaktorudur.

Hafiz canıyla ailəsinə, vicdanıyla vətəndaşına qayğı göstərir. Şəhid, əsgər və Qarabağ qazilərinin ailələri ilə vaxtaşırı maraqlanır, mənəvi dəstəyini əsirgəmir.

Həmişə tələsir. Bu tələskənliyin ünvanının ocağı közərməz, təndiri qalanmaz, sevdası bulunmaz yurd yeri olduğunu bütün Hafizi tanıyanlar bilir.

Polis dostum, şair dostum darıxaraq yaşamağın kodeksindən agahdır:

 

Bağlı qalıb nə vaxtdı,

Bu sükutun daş ağzı.

Mən sussam da, gözümün,

Açılacaq yaş ağzı.

 

Günü qara-ağ verib,

Dərdi ağ varağ verib.

Ömrü şuma döndərib,

İllərimin xış ağzı.

 

Göyərər, toxum olmaz.

Yataram, yuxum olmaz.

Ölümdən qorxum olmaz.

Bal dili var, xoş ağzı.

 

Nə bağım var, nə barım.

Ay gecikən baharım.

Gözləyirəm nübarı,

Mən bu qara qış ağzı.

 

Ürəyinin qubarı, nisgilinin qabarı sinəsindən boy verən polisim, sənə ruhunun sevgisi qədər ömür, eşqinin nidası qədər yaradıcılıq uğurları və bu Vətənin keşiyində  əqidən boyda əbədi Polis gücü diləyirəm. Atana yazdığın şeiri isə bütün atalara sənin adından ərməğan edirəm.

 

Bir fələyin işinə bax,

Bükülür dəmir əllərin.

Qocaldıqca qırış-qırış,

Gödəlir ömür əllərin.

 

Gül dərir, çiçək gətirir,

Bal süzür, pətək gətirir.

Yenə də çörək gətirir,

Yoruldum, demir əllərin.

 

Belə bağlanıb həyata,

Oxşayır qoşa qanada.

Şükür, çox şükür, ay ata,

Günah eləmir əllərin.

 

Afət Abuşova-Viləşsoy

Filologiya üzrə Fəlsəfə doktoru,  
AYB üzvü, Prezident təqaüdçüsü

BU KATEQORİYADAN OLAN DİGƏR XƏBƏRLƏR
+ Arxiv
İtaliyada bir gündə koronavirusdan 700-ə yaxın ölüm 29 Noyabr 2020, 01:04 Ağdamdakı dağıntılar nüvə silahından da pisdir - Prezidentin köməkçisi 29 Noyabr 2020, 00:55 “7 rayonu təhvil verməsək, Xankəndini itirəcəyik” - Sarkisyanın etirafı üzə çıxdı 29 Noyabr 2020, 00:42 Üç azərbaycanlıya Avropa Voleybol Konfederasiyasında vəzifə verildi - FOTO 29 Noyabr 2020, 00:27 “Qarabağ” öz doğma şəhərinə qayıtdı 29 Noyabr 2020, 00:13 Xırdalanda PARTLAYIŞFOTO 29 Noyabr 2020, 00:00 Türkiyədə koronavirusla bağlı vəziyyət 28 Noyabr 2020, 23:51 Dəm qazı Şirvanda can aldı 28 Noyabr 2020, 23:37 Fransada onlarla polis yaralandı 28 Noyabr 2020, 23:25 “Mançester Siti”dən darmadağın 28 Noyabr 2020, 23:13 “İranın daha bir aliminə qarşı terror aktı törədiblər” - Zərifdən açıqlama 28 Noyabr 2020, 22:57 “Ağdamda ilk dəfə valideynlərimlə birlikdə toyda olmuşam” - Hikmət Hacıyev 28 Noyabr 2020, 22:42 Mətbuat Şurasının sədri Füzulidə həlak olan jurnalistdən yazdı 28 Noyabr 2020, 22:28 Həsən Həsənovun qardaşı vəfat etdi 28 Noyabr 2020, 22:12 “Associated Press”dən Gəncə reportajı - VİDEO 28 Noyabr 2020, 22:05 Ermənistanın Azərbaycana təcavüzü ilə bağlı 3 qətnamə qəbul edildi 28 Noyabr 2020, 21:54 Anar Bağırov koronavirusdan ölən vəkildən danışdı: “Son arzusu...” 28 Noyabr 2020, 21:40 Adını doğruldan qəhrəman şəhid 28 Noyabr 2020, 21:29 BDU-dan qovulan tələbə üzr istədi - VİDEO 28 Noyabr 2020, 21:17 Füzulidə “Toyota” 2 ədəd tank əleyhinə minaya düşüb - RƏSMİ - FOTO 28 Noyabr 2020, 21:03 Millimiz Avropa çempionatında bürünc medal qazandı 28 Noyabr 2020, 21:00 Şirvanda piyadanı maşın vurdu 28 Noyabr 2020, 20:51 “Atatürkün Naxçıvana verdiyi əhəmiyyət illər sonra səmərəsini verdi” - Spiker 28 Noyabr 2020, 20:39 “Bəzən onu “Qafqazın Xirosiması” adlandırırlar” - “France-24” Ağdam haqqında 28 Noyabr 2020, 20:26 “Liverpul” səfərdə xal itirdi 28 Noyabr 2020, 20:15 Xaçmazda ev yandı 28 Noyabr 2020, 20:02 Bu gün Bakıda 550 küçə dezinfeksiya edildi - FOTO 28 Noyabr 2020, 19:55 Biləsuvarda maşın su kanalına düşdü 28 Noyabr 2020, 19:53 Füzulidə minaya düşərək həlak olanlardan biri baş redaktordur 28 Noyabr 2020, 19:48 Minalanmış ərazi olduğunu bildirən işarəyə məhəl qoymayıblar 28 Noyabr 2020, 19:41 Hamını qorudu, amma özünü qoruya bilmədi 28 Noyabr 2020, 19:25 Kəlbəcərin Vəng kəndindən yeni görüntülər - Video 28 Noyabr 2020, 19:19 Tanınmış vəkil vəfat etdi 28 Noyabr 2020, 19:03 Şəhidimizin xanımından qələbə kompozisiyası: "Yenilməzsən, Azərbaycan!" -VİDEO 28 Noyabr 2020, 18:46 Biləsuvarda ağır qəza, bir ölü, iki yaralı 28 Noyabr 2020, 18:36
SORĞU Cəbhə xəbərlərini hansı mənbədən alırsınız?