Modern.az

Ramiz Mehdiyevə növbəti İTTİHAM - Sabiq baş konsul akademikə SÖZ ATDI

Ramiz Mehdiyevə növbəti İTTİHAM - Sabiq baş konsul akademikə SÖZ ATDI

3 Avqust 2020, 11:03

Prezident Administrasiyasının sabiq rəhbəri, akademik Ramiz Mehdiyev vaxtilə onunla birlikdə hakimiyyətdə təmsil olunmuş şəxslərin ittihamlarına məruz qalmaqda davam edir.

Bu sırada YAP-ın qurucularından olmuş sabiq deputat Maksim Musayev, Ana Vətən Partiyasının sədri Fəzail Ağamalı, Prezident katibliyinin keçmiş rəhbəri Eldar Namazov, YAP Siyasi Şurasının üzvü, eks-deputat Musa Musayev, "Yeni Azərbaycan" qəzetinin keşmiş baş redaktoru Alqış Həsənoğlu, eks-YAP-çı deputat, Müdafiə Nazirliyi mətbuat xidmətinin sabiq rəisi Eldar Sabiroğlu və digərlərinin adını çəkmək olar.

Onlar Ramiz Mehdiyevi hakimiyyət daxilində klan yaratmaqda, intriqa ilə məşğul olmaqda, rüşvətxor məmurları vəzifəyə təyin etməkdə və başqa bu kimi "qara işlər"də ittiham edirlər.

Ramiz Mehdiyevə ünvanlanmış növbəti ittiham YAP siyasi Şurasının üzvü, Azərbaycanın İstanbuldakı sabiq baş konsulu, Prezident təqaüdçüsü Xeyrəddin Qocadan gəlib.

Modern.az-ın məlumatına görə, X.Qoca Ramiz Mehdiyevə "elmi axtarışları"na görə söz atıb.

“Ramiz Mehdiyevin işi-gücü, "elmi axtarışları" o olub ki, Azərbaycan Prezidentləri Heydər Əliyevin, İlham Əliyevin məruzə və çıxışlarını toplayıb qalın-qalın kitablar nəşr etdirsin. Həmin kitablarda da yazıb ki, "buraxılışa məsul akademik Ramiz Mediyev". Sonra da dövlət adamlarını bir yerə yığıb, həmin kitabların müzakirəsini keçirib!..”,- Xeyrəddin Qoca bildirib.

Qeyd edək ki, R.Mehdiyev də hazırda Xeyrəddin Qoca ilə yanaşı, YAP siyasi Şurasının üzvüdür.

 



 

Facebook
Dəqiq xəbəri bizdən alın!
Keçid et
Son dəqiqə- Paşinyan Qazaxın Əskipara kəndinə gəldi