Arxiv
22 Noyabr 2020, 09:34 | MƏDƏNİYYƏT
Vətənin sipərləri: Düşmənə qan udduran şərqşünas alim-döyüşçü Vüsal Hətəmov kimdir? - FOTOLAR

Nəinki əzizləri-doğmaları, heç dost-tanışları, məktəb və Universitet yoldaşları da güman etməzdi ki, zahirən sakit, “şəhər uşağı” kimi görünən, qətiyyən dava-dalaş adamına oxşamayan Vüsal nə vaxtsa Qarabağ uğrunda döyüşlərə atıla bilər, erməni faşistlərini pərən-pərən salar, torpaqlarımızdan iti qovan kimi qovar, onların səngərlərini, yeraltı bunkerlərini darmadağın edər, neçə-neçə daşnak tör-töküntüsünü cəhənnəmə vasil edər. Axı, o, hərbi sahədən tamamilə uzaq olan bir sənətin – humanitar sahənin adamıdır və çoxları onu  respublikanın gənc, perspektivli alimlərindən biri – istedadlı şərqşünas, nəsimişünas kimi tanıyır, yüksək qiymətləndirirdilər. Və təbii ki, qətiyyən hərb adamına yox, “sülh adamı”na daha çox oxşayırdı.

Əslində isə zahirən sakit görünsə də, qəlbində Nizami, Nəsimi poeziyası ilə daha da güclənən böyük Vətən eşqi, torpaq sevgisi vardı. Və təsadüfi deyildi ki, hələ bu ilin iyul ayında Tovuz cəbhəsindəki erməni “qudurğanlıqlarından” sonra evdən-ailəsindən xəbərsiz hərbi komissarlığa müraciət edərək, ilk könüllülər sırasına yazılmışdı. Və evdə xəstə anasını nigaran qoymamaq üçün guya 5-10 günlük elmi ezamiyyətə gedəcəyini bildirərək, intizarla hərbi komissarlıqdan “dəvət” gözləmişdi. Özü Sumqayıtda, Bakıda olsa da, vətənpərvər qəlbi hərbi komissarlıqdan heç bir cavab gözləmədən artıq böyük Vətən eşqi ilə Qarabağda – Füzulidə, Cəbrayılda, Qubadlıda, Laçında, Zəngilanda, Ağdamda dolaşırdı. Qəlbinin vətən haraylı çağırışı ilə onun arxasınca uçmağa da hazır idi. Fəlsəfi poeziyasının vurğunu olduğu, sadiq bir övlad kimi bütün həyatını və hər misrası “dərin basdırılmış” xəzinə olan yaradıcılığını diqqətlə öyrəndiyi dahi İ.Nəsimi babasından müvəqqəti ayrıldığına görə qəlbən ondan hallallıq alaraq, tezliklə geri, Qələbə ilə dönəcəyinə söz verərək, avqustun əvvəlində könüllü istəyinə yetərək, Azərbaycan Silahlı Qüvvələri sıralarına qəbul edildi. Artilleriyaçı olduğundan özünü xəyalən “Azərbacan - Vətən uğrunda!” sözləri yazılmış tankda, zenit-raket komplekslərinin yanında hiss edirdi.

 
Lakin onun hərbçi yolunu hardan başlayacağı onun özündən də xəbərsiz, özündən əvvəl çox düzgün və dəqiq müəyyən edilmişdi. Ordumuzda onun artilleriya üzrə bacarıqlı bir ehtiyat zabiti olduğunu bilərək, mərkəzi hərbi hissələrdən birində artilleriya təlimatçısı kimi xidmət etməsi daha mühüm, daha vacib sayılmışdı. Və Vüsal bir aydan da çox gənc əsgərlərə vaxtlə rus ordusunda “artilleriya Allahı” sayılan məşhur azərbaycanlı general-leytenant Əliağa Şıxlinskinin hərbi sənətinin sirlərini daha müasir silahlar əsasında, həm də tam dəqiqliklə öyrədərək, uzaq vuran silah və raketlərdən böyük Qələbə naminə məharətlə istifadə etməyin ən optimal üsullarını mənimsətməyə çalışır və buna uğurla nail olurdu. Gənc əsgərlərin müasir artilleriya silahlarını necə böyük döyüşçü həvəsi və marağı ilə dərindən öyrənməyə səy göstərmələri vaxtı yetişdikdə gənc artilleriyaçıların Vətən uğrunda fədakarlıqla, əzmlə vuruşacaqlarına Vüsal Hətəmovun inamını xeyli artırırdı. Təbii ki, valideynlərinin və qohumlarının əslən Qarabağdan və ətraf rayonlardan olub-olmamasından asılı olmayaraq, gənc əsgərlərin hamısı onillərdi ki azğın düşmən tərəfindən işğal altında saxlanılan Azərbaycan torpaqlarının azad edilməsi üçün hazır olduqlarını öz yurdsevər, torpağa bağlılıq hissləri ilə, ruh yüksəklikləri ilə büruzə verirdilər. Və Vüsalın yeni müharibənin 25-30 il əvvəlki kimi piyada döyüşləri yox, daha çox müasir artilleriya döyüşləri olacağı, ölkə rəhbəri İlham Əliyevin sayəsində Azərbaycan Milli Ordusunun bu sahədə böyük üstünlüklərə malik olması fikrini hər bir əsgərə inandırıcı şəkildə aşılaması onların son, böyük qisasa köklənməsinə səbəb olurdu. Əsgərlərin yüksək döyüş əzminə səbəb həm də komandir Vüsalın yeni müharibə başlanarsa, dönə-dönə onun son döyüş olacağını, onu uduzmağa heç bir haqqımız olmadığını, yalnız və yalnız Qələbə üçün vuruşmalı olduğumuzu xüsusilə nəzərə çarpdırması, zəfərə səsləməsi və ona inandırması idi. Bu məqsədlə o, hələ  bir vaxtlar fərqinə varmadığı “İnternasional marşı”ndan bu sözləri də diqqətə çatdırmalı olmuşdu: “Bu, bizim son və qəti döyüşümüz olur!”. Və bununla da gənc əsgərlər yalnız artlleriya təlimi yox, həm də yüksək Vətən eşqi ilə  Qələbə təlimi almış olurdular.    


Sentyabrın 27-də başlanan Böyük Vətən müharibəmizin ilk göyüşləri də həqiqətən göstərdi ki, Azərbaycanımızın Ali Baş Komandanı İlham Əliyevin müdrik rəhbərliyi ilə qardaş Türkiyənin və dost İsrailin pilotsuz uçuş silahlarının səmada, yerdə isə artılleriyamızın gücü Milli Ordumuzun uğurlarının başlanğıcı və uzun illər arzusunda olduğumuz Qarabağ Qələbəmizin əsas təminatçısı oldu.


Fərəhli haldır ki, qazanılmış bu böyük uğurda Milli Ordunun müasir silahlarla təmin edilmiş ağır artilleriyamızın, hər bir artılleriyaçının və, təbii ki düşmənə qan uddurmağı öyrətdiyi, cəbhənin bütün istiqamətlərində vuruşan gənc tankçıların, topşuların (bəlkə, Xaçmaz rayonunun Qusarçay kəndindən olan, 19 yaşında igidliklər göstərərək bütün ölkədə məşhurlaşmış, düşmənin neçə-neçə əsgərini, saysız-hesabsız hərbi texnikasını məhv etmiş adaşı - Vüsal Şahkərimov da onun yetirmələrindəndir?), zenitçilərin, sonradan döyüş meydanlarında onlara qoşulan hərbi təlimçi-artilleriyaçı Vüsal Hətəmovun da payı, xüsusi rolu var. O Vüsalın ki, ailədə üç bacının yeganə qardaşı, əzizi, sevimlisidir. O Vüsalın ki, hələ yanvarda 42 yaşı olacaq və özü də üç övlad atasıdır. Yaşına və üç uşaq atası olduğuna görə müharibədən qalmaq, arxa cəbhədə xidmət etmək imtiyazı olsa da, Vətən uğrunda döyüşlərdən nəinki kənarda qalmayıb, hətta elə ilk gündən ön cəbhədə - müharibənin ən qızğın nöqtələrində, vuruşub. 


Yəqin onu döyüşlərə qoşulmağa atası Nizami Hətəmovun da çoxillik yurd həsrəti – doğulub boya-başa çatdığı Qubadlı, Laçın həsrəti də az rol oynamayıb. İndi 66 yaşı olan  atası vaxtilə - 1989-cu ildən başlayaraq “qara polkovnik” Fətulla Hüseynovun 80 nəfərlik dəstəsinin və Qaşaq Nəbi adına “Boz at” batalyonunun döyüşçüsü kimi azğın düşmənə qarşı mərdliklə vuruşub, igidliklər göstərib. Lakin o dövrdə Azərbaycanın nizami ordusu olmadığından döyüşlər uğursuzluqla başa çatmış, çoxları kimi atası da dogma yurda qovuşa bilməmişdi. Görünür, həm Vətən, həm də valideynləri üçün həmişə qədirbilən oğul olan Vüsal qalib Azərbaycan əsgəri kimi atasının yurd həsrətinə son qoymaq arzusu ilə döyüşlərə yollanıb. Artıq 5 aya yaxındır ki, dogma evindən-ailəsindən uzaq düşən, Füzuli, Cəbrayıl, Zəngilan, Laçın və Şuşanın, onların kəndlərinin düşməndən azad edilməsində iştirak edərək, igidliklər göstərmişdir. O da nəzərə alınsa ki, müharibə şəraitində döyüşçülərimizin nə yatmaq-dincəlmək, nə də vaxtında yeyib-içmək imkanları olmur, minlərlə əsgərlərimiz kimi Vüsal Hətəmovun da hansı ağır məhrumiyyətlərdən keçdikləri aydın olar. Ancaq bütün bunlara dözməyi, hər ağrıya- acıya üstün gəlməyi onlara böyük Vətən məhəbbəti, Qələbə eşqi “öyrədib”.


O da xüsusi olaraq qeyd edilməlidir ki, dövlətimizin başçısı, Ali Baş Komandanımız  İlham Əliyevə, Vətənə olan sevgi son illərdə o qədər güclü olub ki, hamı “hər şey Qələbə üçün!” şüarı ilə çalışıb-vuruşub, Ordumuza, döyüşçülərimizə hər yerdən yüksək maddi və mənəvi dəstək olub, silaha sarılmış oğullarımıza bütün şəhər və kəndlərimizdən ərzaqla, isti pal-paltarla yanaşı (baxmayaraq ki, ordumuzun hər sahədə təminatı ən yüksək səviyyədədir), döyüşçülərimizə minlərlə, axın-axın ruhverici, səmimi məktublar – “Əsgərə məktub”lar göndərilib. Yəni ki, budəfəki müharibədə heç kəs kənarda qalmaq istəməyib. Hətta tanınmış, məşhur adamların övladları da (o cümlədən - Azərbaycanın Xalq artisti Əli Nurun şəhid olmuş oğlu da), bəzi məmurlar, Vüsal Hətəmov (o, həm də Sumqayıt ziyalılarının Dostlar Klubunun ən gənc üzvüdür) kimi elm adamları da könüllü olaraq Böyük Vətən müharibəsində iştirak ediblər.


Eşq olsun Vətən üçün döyünən, yanan ürəklərə! Eşq olsun xalqımıza, Milli Ordumuza və onun Ali Baş komandanı, Azərbaycan Respublikasının Prezidenti, qalib sərkərdə İlham Əliyevə!

 


Rəhman ORXAN

BU KATEQORİYADAN OLAN DİGƏR XƏBƏRLƏR
+ Arxiv
Fransada məscid təhqir edildi 2 Dekabr 2020, 23:10 Bayrağımız Şuşa qalasında belə asıldı - FOTO 2 Dekabr 2020, 22:58 Teledərslərin sabaha olan CƏDVƏLİ 2 Dekabr 2020, 22:44 Ceyhun Bayramov Lavrovla DANIŞDI 2 Dekabr 2020, 22:30 “Neftçi”nin 11 üzvü koronavirusa yoluxdu 2 Dekabr 2020, 22:20 İrəvanda Paşinyanın istefası tələb olunur - VİDEO 2 Dekabr 2020, 22:08 Türkiyədə koronavirusdan rekord sayda ölüm 2 Dekabr 2020, 21:59 Çavuşoğludan Pompeoya sərt reaksiya: “ABŞ və Fransa Ermənistana dəstək verdi” 2 Dekabr 2020, 21:47 Şəhid Sərxan Həsənovun son zəngi: “Ağlama, ana. Oğlunla fəxr elə” 2 Dekabr 2020, 21:33 Xəzərdə zəlzələ oldu 2 Dekabr 2020, 21:20 Səfirlə nazir arasında Qarabağ müzakirəsi 2 Dekabr 2020, 21:13 Maradonanın son səs yazısı üzə çıxdı: “Çox oğlum var...” 2 Dekabr 2020, 21:04 Nazirlər Kabineti bu qərarda dəyişiklik etdi 2 Dekabr 2020, 20:53 BMT Baş katibi: “Bəşəriyyət təbiətlə müharibə aparır” 2 Dekabr 2020, 20:41 “Bu məsələyə tələskənliklə yanaşmaq düzgün deyil” - Fatma Yıldırım 2 Dekabr 2020, 20:30 Federasiya prezidenti koronavirusa yoluxdu 2 Dekabr 2020, 20:18 Dağlıq Qarabağ münaqişəsi ifadəsi mövcud deyil - Azay Quliyev 2 Dekabr 2020, 20:07 Tibbi xidmətlərin xidmətlər zərfinə daxil edilməsi qaydası təsdiqləndi 2 Dekabr 2020, 20:00 Fikrət Məmmədov xarici həmkarlarına müraciət etdi 2 Dekabr 2020, 19:51 Laçın ölkəmizin iqtisadi inkişafında mühüm rol oynayacaq - Deputat 2 Dekabr 2020, 19:42 Ceyhun Bayramov yeni səfirin etimadnaməsinin surətini qəbul etdi 2 Dekabr 2020, 19:33 Beynəlxalq Türk Akademiyasının prezidenti İlham Əliyevi təbrik etdi 2 Dekabr 2020, 19:24 Rusiyada kütləvi peyvəndləmə başlayır 2 Dekabr 2020, 19:15 Xırdalan şəhərinin bir hissəsində su kəsildi 2 Dekabr 2020, 19:06 Nikol Paşinyan bizim adamdı... 2 Dekabr 2020, 19:00 “Dondurulmuş olan münaqişə deyil, onun həllidir” - Çavuşoğlu 2 Dekabr 2020, 18:58 Müdafiə Nazirliyi İran tərəfinə başsağlığı verdi 2 Dekabr 2020, 18:49 Sülhməramlı kontingent üçün gətirilən növbəti maddi-texniki təminat vasitələri təyinat məntəqəsinə çatdırılıb - VİDEO 2 Dekabr 2020, 18:40 Ombudsmanın nümayəndələri məhbuslara baş çəkiblər 2 Dekabr 2020, 18:31 İlham Əliyevin təşəbbüsü ilə keçiriləcək BMT-nin xüsusi sessiyasının gündəliyi AÇIQLANDI 2 Dekabr 2020, 18:22 UNEC alimləri Ermənistanın məhv edilmiş hərbi texnikasının məbləğini açıqladı 2 Dekabr 2020, 18:13 Araik Arutunyan terrorçuları Xankəndiyə toplayır 2 Dekabr 2020, 18:06 Dolların sabaha olan MƏZƏNNƏSİ 2 Dekabr 2020, 18:00 Karantini pozan 90 sürücü cərimələndi - FOTO 2 Dekabr 2020, 17:54 Ermənistan vətəndaşlarına ölkəni tərk etməyə icazə verildi 2 Dekabr 2020, 17:48
SORĞU Cəbhə xəbərlərini hansı mənbədən alırsınız?