Arxiv
26 Yanvar 2021, 17:19 | AKTUAL
 “Hərbi vəzifə və hərbi xidmət haqqında” qanuna dəyişiklik olunur

Yanvarın 26-da Müdafiə, təhlükəsizlik və korrupsiya ilə mübarizə komitəsi Milli Məclisin yaz sessiyasında videoformatda ilk iclasına toplaşıb

 

Bu barədə Modern.az-a Milli Məclisin mətbuat xidmətindən məlumat verilib.

 

Bildirilib ki, iclasda “Müdafiə, təhlükəsizlik və korrupsiya ilə mübarizə komitəsində 2020-ci ilin payız sessiyası dövründə görülən işlər barədə hesabat”ı təqdim edən komitənin sədri Ziyafət Əsgərov öncə payız sessiyası dövründə Vətən müharibəsinin başlandığını və elə həmin gün – sentyabrın 27-də Azərbaycan Respublikası Prezidentinin ölkədə “Hərbi vəziyyət elan edilməsi haqqında” Fərmanının Milli Məclisə daxil olduğunu və parlamentin iclasında təsdiq edildiyini qeyd edib. Komitə sədri 44 gün ərzində aparılan müharibədə Azərbaycanın böyük Zəfər qazandığını vurğulayaraq möhtərəm Prezidentimiz, Ali Baş Komandanımız İlham Əliyev başda olmaqla bütün xalqımızı və deputatları möhtəşəm qələbə münasibətilə bir daha təbrik edib, şəhidlərimizə Allahdan rəhmət, qazilərimizə şəfa diləyib.

 

Sonra komitə sədri bildirib ki, noyabr ayının 10-da üç dövlət – Rusiya, Azərbaycan və Ermənistan tərəfindən imzalanan birgə bəyanatla müharibə başa çatdı və Azərbaycan Prezidentinin “Hərbi vəziyyətin ləğv edilməsi haqqında” Fərmanı ilə ölkəmizin bütün ərazisində hərbi vəziyyət 12 dekabr 2020-ci il tarixində saat 00:00-dan etibarən ləğv edildi.

 

Onlayn iclasda bildirilib ki, hesabat dövründə komitədə həmin qanun layihələri ilə yanaşı, bir sıra digər qanun layihələri də müzakirə olunub. Payız sessiyasında keçirilən 12 iclasda 13 məsələyə baxılıb. Milli Məclisin müzakirəsinə tövsiyə edilən qanun layihələrinin əksəriyyəti komitədə üç oxunuşdan keçib və parlamentdə qəbul olunub. Komitənin üzvləri “Azərbaycan Respublikasının 2021-ci il dövlət  büdcəsi haqqında” qanun layihəsinin, eləcə də bütövlükdə büdcə zərfinin müzakirəsində yaxından iştirak ediblər.

 

Ziyafət Əsgərov qeyd edib ki, həmin dövrdə NATO Parlament Assambleyasının Qafqazdakı vəziyyətlə bağlı onlayn qaydada keçirilən seminarında da qalib dövlətin təmsilçiləri olan Azərbaycan deputatları beynəlxalq hüquqa söykənərək yüksək səviyyədə çıxışlar edib, erməniləri susdurublar.

 

Bildirilib ki, sessiya ərzində seçicilərin qayğıları diqqət mərkəzində saxlanılıb. Müraciətlərin əksəriyyəti yerindəcə həll olunub. Komitəyə daxil olan 108 ərizə və şikayət araşdırılıb, aidiyyəti üzrə baxılıb tədbir görülməsi üçün müxtəlif ünvanlara 78 məktub göndərilib.

 

Komitə sədrinin müavini Hikmət Məmmədov, deputatlar Elman Məmmədov, Arzu Nağıyev payız sessiyası dövründə görülmüş işləri müsbət dəyərləndiriblər. Fikir mübadiləsinin yekununda komitənin hesabatı məqbul sayılıb.

 

Sonra iclasda 2021-ci ilin yaz sessiyası ərzində komitənin  qanunvericilik fəaliyyətini və digər tədbirləri əhatə edən iş planı təqdim olunub. Ziyafət Əsgərov komitənin gündəliyində olan “Hərbi qulluqçuların statusu haqqında” və “Daxili qoşunlar haqqında” qanun layihələri barədə ətraflı məlumat verib. Bildirib ki, həmin layihələr rəy alınması üçün hələ ötən sessiyalardan müvafiq nazirliklərə təqdim olunub. 2020-ci ildə Azərbaycanın hərb tarixində baş verən mühüm hadisə - Vətən müharibəsi xüsusilə “Hərbi qulluqçuların statusu haqqında” qanuna bir sıra yeniliklərin edilməsi zərurətini yaradıb.

 

Yaranmış yeni reallıqla əlaqədar “Hərbi qulluqçuların statusu haqqında” qanun layihəsinin təkmilləşdirilməsi istiqamətində gedən iş prosesi barədə onlayn iclasda Milli Məclis Aparatının Dövlət quruculuğu və hərbi qanunvericilik şöbəsinin müdiri Hacı Mirhəşim Seyidin məlumatı dinlənilib. Sonra deputat Nizami Səfərov həmin sənədlə bağlı fikirlərini açıqlayıb.

 

Yekunda yaz sessiyasının iş planı təsdiqlənib.

 

Müdafiə, təhlükəsizlik və korrupsiya ilə mübarizə komitəsinin ilk iclasında “Hərbi vəzifə və hərbi xidmət haqqında” qanunda dəyişiklik edilməsi barədə” qanun layihəsinə də baxılıb. Ziyafət Əsgərov bildirib ki, Azərbaycan Prezidentinin qanunvericilik təşəbbüsü ilə parlamentə daxil olan bu layihə çox humanist sənəddir, qanuna 21.1.4-1-ci maddə əlavə edilməklə “doktoranturaya qəbul üzrə ilk imtahandan müvəffəqiyyətlə keçən çağırışçılara - 3 ay müddətinə” birdəfəlik möhlət hüququ verilir.

 

Müzakirə zamanı deputatlar Aydın Mirzəzadə və Arzu Nağıyev rəy və təkliflərini nəzərə çatdırıblar.

 

Sonra  “Hərbi vəzifə və hərbi xidmət haqqında” qanunda dəyişiklik edilməsi barədə” qanun layihəsi Milli Məclisin plenar iclasına tövsiyə olunub.

 

Onlayn iclasda deputatlar Bəxtiyar Sadıqov, Əminə Ağazadə və Elşad Mirbəşiroğlu da iştirak ediblər.

BU KATEQORİYADAN OLAN DİGƏR XƏBƏRLƏR
+ Arxiv
Sumqayıtda mənzildə partlayış oldu 2 mart 2021, 21:21 Boliviyada avtobus dərəyə aşdı - çox sayda ölən var - FOTO 2 mart 2021, 21:10 Azərbaycanın peyvəndlə təmin olunmasına dair verilən vədə əməl edilməyib - Agentlik 2 mart 2021, 20:58 Ay çəkilməsi Venesiyada vəziyyəti çətinləşdirdi - FOTO 2 mart 2021, 20:44 “Qarabağ” darmadağınla zirvəyə yüksəldi 2 mart 2021, 20:33 Komitə sədri Vətən Müharibəsi Qəhrəmanının atası ilə görüşdü - FOTO 2 mart 2021, 20:24 Ahıl qadının təqaüdünü oğurlayan yeznə və qaynı tutuldu - FOTO 2 mart 2021, 20:15 Azad edilən ərazilərin torpaq sahələrinin inventarlaşdırılması yekunlaşdı 2 mart 2021, 20:03 Nyu-Yorkdakı Sultan Eyyub məscidində Xocalı soyqırımı qurbanları yad edilib 2 mart 2021, 19:52 ABŞ Navalnıya görə Rusiyaya sanksiya tətbiq etdi 2 mart 2021, 19:45 Almaniya və Niderlanddakı diaspor təşkilatları Xocalı soyqırımı ilə bağlı videokonfrans təşkil etdi 2 mart 2021, 19:38 “Eurovision-2021” məhdud səviyyədə keçiriləcək 2 mart 2021, 19:30 İordaniyadakı Azərbaycan diasporu Xocalı soyqırımı qurbanlarını yad edib 2 mart 2021, 19:22 “Aqrar Tədarük və Təchizat” ASC təlimlərə başlayıb - FOTOLAR 2 mart 2021, 19:15 Azercell müştəri təcrübəsinin idarə edilməsinə görə yeni mükafat qazanıb 2 mart 2021, 19:08 Bəzi marşrut xətlərinin hərəkət sxemi dəyişdirildi 2 mart 2021, 19:00 Bakının bu ərazilərdə tıxac var - SİYAHI 2 mart 2021, 18:52 Vətən müharibəsi qəhrəmanına təqaüd kartı verildi - FOTOLAR 2 mart 2021, 18:45 Ermənilərin viran etdiyi Füzulinin Üçbulaq kəndi - VİDEO 2 mart 2021, 18:38 Məcburi dövlət sosial sığorta ödənişləri üzrə daxilolmalar artıb 2 mart 2021, 18:30 Əfv Komissiyası bu gün 100-dən artıq müraciətə baxıb 2 mart 2021, 18:22 Dolların məzənnəsi sabit qaldı 2 mart 2021, 18:15 Prezident hərbi xidmətə çağırışla bağlı sərəncam İMZALADI 2 mart 2021, 18:08 Ərdoğan Bahçeli ilə görüşdü 2 mart 2021, 18:00 Nazirlik itkin düşən hərbçilərin SİYAHISINI yenilədi 2 mart 2021, 17:55 Qlobal Jurnalistlər Şurasının sədri Mətbuat Şurasında olub - FOTO 2 mart 2021, 17:49 90 yaşlı Qorbaçov: “Həyatımda 2 böyük sevgi olub” 2 mart 2021, 17:43 Vətən müharibəsində şəhid olmuş hərbçilərimizin yeni SİYAHISI 2 mart 2021, 17:41 Hərbi qulluqçuların maaşı artırıldı: 50 və 100 faiz - RƏSMİ 2 mart 2021, 17:37 AZAL ləğv edilən biletlərin taleyi ilə bağlı məlumat YAYDI 2 mart 2021, 17:32 Qasparyanın “kitabı bağlandı” - Paşinyanın planı gerçəkləşir... 2 mart 2021, 17:27 Saxta "general" azadlığa BURAXILDI 2 mart 2021, 17:22 Prezidentin mətbuat konfransı beynəlxalq informasiya məkanında böyük rezonans doğurdu - Deputat 2 mart 2021, 17:20 Avropa Birliyi Rusiyaya qarşı yeni sanksiyalar TƏTBİQ ETDİ 2 mart 2021, 17:17 "Quş qripi"nin Azərbaycanda yayılma riski artıb 2 mart 2021, 17:12