Arxiv
26 mart 2021, 13:12 | MEDİA
Bir şəklin tarixçəsi - Atamı kəndimizin işğalda olduğuna inandıra bilmədik…

2016-cı ilin “Aprel döyüşləri”ndən sonra bir qrup cəbrayıllı Lələtəpə istiqamətinə səfər etdi. Mən də orda idim. Dağılmış, viran qalmış Cocuq Mərcanlıdakı xarabaya çevrilmiş evlərin üstünə, hündür yerə dırmaşıb qabağa, irəliyə baxmağa çalışırdım.


Razim müəllim o zaman əlini bəlli istiqamətə uzadıb belə dedi: “Bax burdan, təxminən, 5 kilometr o yana Böyük Mərcanlıdır, sizin kəndiniz”.

Razim müəllimin göstərdiyi səmtə nə qədər baxsam da, heç nə görə bilməmişdim. Bu, məhz həmin anların şəklidir.


Böyük Mərcanlıda yaydan-yaya tətildə gedərdim, qonaq kimi. O zamanlar mənə elə gəlirdi ki, kənddə hər yer bir-birinə oxşayır, evləri, hasarları ayırd etmək mümkün deyil.

Bugünlərdə sosial şəbəkədə Böyük Mərcanlıdan bir neçə dəqiqəlik videogörüntü paylaşılmışdı. Təbii ki, darmadağın, viranə evlər, xarabalıqlar... Amma qəribədir ki, görüntünün kəndin harasından olduğunu ayırd etdim. Bir salamat tikili belə olmadan görünən yolun hara apardığını tanıdım. İnsan yaşlaşdıqca, sanki uzaq keçmişi daha yaxşı xatırlamağa başlayır, nəinki yaxın zamanı...


Vətən müharibəsinin ilk günü Böyük Mərcanlı azad edildi. Həmin gün çox qarışıq hisslər yaşadım. İş başında olduğumdan, zatən, ayırd etməyə də vaxt yox idi. Böyük Mərcanlı mənim üçün Atam idi...


Atam kənddən gənc yaşlarında şəhərə köçmüşdü. Burada ev-eşik olmuşdu. Həyatında baş verənlərin, demək olar, hamısı məkan olaraq Bakı ilə bağlı idi. İnsultdan sonra onun yaddaşı tədricən itməyə başladı. Həyatının son illərində isə hətta məni belə tanımırdı. Bu, çox kədərli idi. Nə qədər xatırlatmağa çalışırdın, mümkün olmurdu. Dəniz mavisi rəngində olan gözlərilə məsum uşaq kimi mənə baxıb gülümsəyirdi. Bu o demək idi ki, heç nə və heç kim yadında deyil. Tək bir həqiqətdən başqa: Böyük Mərcanlı.


Son nəfəsinədək bircə istəyi oldu: məni Mincivan qatarına mindirib göndərin Böyük Mərcanlıya. Böyük Mərcanlının işğalda olduğuna inandıra bilmədik onu. Nə yaxşı ki inanmadı da...


Böyük mənada zamana, tarixə, həyatın qanunauyğunluğuna, ahənginə, nizamına minnətdaram. Tarixin məhz bu parçasında yaşadığıma görə, bu zamanın müasiri olduğuma görə özümü şanslı sayıram. Daşlar yerinə oturduqca, ağrılı xatirələr yavaş-yavaş yerini gözəl hadisələrə verir. Yarıda qırılan ömürlərə sonsuzadək, iliyimədək dərin ehtiram hissilə irəliyə baxmağa çalışıram. Yerə, göyə, gec-tez qarışacağımız torpağa, oda, atəşə və nəhayət, müqəddəs ruhlara and içək ki, zamanı bizim xeyrimizə dəyişən kəsləri bu əməllərinə peşiman etməyəcəyik. Amin!

 
Nüşabə Hüseynli

BU KATEQORİYADAN OLAN DİGƏR XƏBƏRLƏR
+ Arxiv
Ən çox və ən az məhbusu olan ölkələr: Azərbaycan neçəncidir? - REYTİNQ 25 Oktyabr 2021, 13:17 Rayon sakinlərindən odlu silah GÖTÜRÜLDÜ 25 Oktyabr 2021, 13:12 Koronavirusun delta ştammının FOTOSU yayıldı 25 Oktyabr 2021, 13:06 Dələduz qadın tutuldu 25 Oktyabr 2021, 13:00 Azərbaycanın mükafatı fəxri konsula verildi 25 Oktyabr 2021, 12:54 Hamilə qadınlar da peyvənd oluna bilər - RƏSMİ 25 Oktyabr 2021, 12:48 Hadi Rəcəbli HARALARDADI... 25 Oktyabr 2021, 12:45 Rusiya ilə Ermənistan Zəngəzurda hərbi təlimlər KEÇİRDİ 25 Oktyabr 2021, 12:39 Goranboyda şəhidin məzarı ziyarət olunub 25 Oktyabr 2021, 12:35 Qanunsuz meşə materialı AŞKARLANDI 25 Oktyabr 2021, 12:31 Prokurorluq 37 yaşlı kişinin ölümünü ARAŞDIRIR 25 Oktyabr 2021, 12:26 Türkiyədə meşələri yandıran 7 rusiyalı saxlanıldı 25 Oktyabr 2021, 12:20 Azərbaycan hansı ölkədən hərbi təyyarələr alacaq? 25 Oktyabr 2021, 12:15 Sabah Bakıda yağış yağacaq 25 Oktyabr 2021, 12:10 8 maşından OĞURLUQ ETDİ 25 Oktyabr 2021, 12:05 Mehriban Əliyeva Qubadlıdan paylaşım etdi - FOTO 25 Oktyabr 2021, 12:00 Qahirədə müdavimlərlə GÖRÜŞ   25 Oktyabr 2021, 11:55 Sərxoş oğru TUTULDU 25 Oktyabr 2021, 11:50 DOST Mərkəzinə MEDİATUR 25 Oktyabr 2021, 11:46 İrəvan-Gümrü qatarı daşa basıldı 25 Oktyabr 2021, 11:42 Azərbaycanın Türkiyəyə ixracı 2 milyard dollara çatır 25 Oktyabr 2021, 11:38 Paşinyan Qafqazda “sülh dövrü”nün başlandığını ELAN ETDİ 25 Oktyabr 2021, 11:34 Bakının mərkəzində qumbara tapıldı - FOTO 25 Oktyabr 2021, 11:30 Tuneldə QƏZA - FOTO 25 Oktyabr 2021, 11:27 Ermənistan hərbi xərclərini artırır – Paşinyan AÇIQLADI 25 Oktyabr 2021, 11:25 Hafiz Hacıyevi süni tənəffüs aparatından ayırıblar - YENİLƏNİB 25 Oktyabr 2021, 11:20 Sabiq şöbə müdirinin məhkəməsində tələbələr dindirildi 25 Oktyabr 2021, 11:16 1059 nəfər toyalara BURAXILMADI 25 Oktyabr 2021, 11:12 “Azəriqaz”ın növbəti aksiyası Cəlilabadda keçiriləcək 25 Oktyabr 2021, 11:08 Ermənistanda COVID-19-dan daha 42 nəfər öldü 25 Oktyabr 2021, 11:04 Havar Məmmədov təltif olundu - FOTO 25 Oktyabr 2021, 11:00 Bizimkilər - “Hakim partiyanın qəzetində çalışmağın böyük məsuliyyəti var” - MÜSAHİBƏ 25 Oktyabr 2021, 10:56 Evdən 8500 manat pul OĞURLADI 25 Oktyabr 2021, 10:52 “Dostlar” serialının aktyoru vəfat etdi 25 Oktyabr 2021, 10:48 Amerikalı senatordan xalqımıza TƏBRİK 25 Oktyabr 2021, 10:44