Modern.az

Bakının böyük hissəsində təbii qaz təchizatı yaxşılaşdırılacaq

Bakının böyük hissəsində təbii qaz təchizatı yaxşılaşdırılacaq

12 Aprel 2021, 18:20

Paytaxtın Nəsimi rayonunda 35 min abonentin təbii qaza olan tələbatını fasiləsiz və təhlükəsiz şəkildə təmin etmək məqsədilə təmir işləri aparılır.

 

“Azəriqaz” İstehsalat Birliyindən Modern.az-a verilən məlumatda bildirilir ki, Dilarə Əliyeva küçəsindən başlayaraq Kövkəb Səfərəliyeva küçəsi istiqamətindən Neftçilər prospektinədək istismar müddəti başa çatmış qaz xəttinin yenilənməsi işləri həyata keçirilir.

 

Diametri 530 mm olan polad boru ilə çəkilmiş qaz xətti uzunluğu 800 metr, diametri 400 mm olan polietilen boru ilə əvəzlənir. İşin həcmi böyük olduğundan təmir işi gedən əraziyə çox sayda maşın-mexanizmlər, işçi qüvvəsi cəlb olunub.

 

Təmir-tikinti prosesinin aprel ayının sonunadək davam edəcəyi gözlənilir.

Twitter
Sizə yeni tvit var
Keçid et
Ukrayna ordusu dəhşət saçdı: Rusiya ərazisi vuruldu