Modern.az

Azərbaycan futbol tarixindən əlamətdar gün - 17 sentyabr

Azərbaycan futbol tarixindən əlamətdar gün - 17 sentyabr

17 Sentyabr 2012, 13:11

Bu gün Azərbaycan milli futbol komandası üçün tarixi bir gündür. Modern.az-ın məlumatına görə, Azərbaycan milli komandası beynəlxalq arenada 17 sentyabr 1992-ci ildən etibarən çıxış edir. Milli komandamız yarandıqdan sonra ilk oyununu səfərdə Gürcüstan millisinə qarşı keçirib. Həmin oyunda milimizin ilk qolunu Nazim Süleymanov vurub. İlk səfər qarşılaşmasında komandamız 3:6 hesabı ilə məğlub olub. Müstəqillik əldə edildikdən sonra AFFA yaradıldı. 1994-cü ildə Azərbaycan FİFA və UEFA-ya üzv qəbul olundu. Bundan sonra Azərbaycan yığma komandası Avropada debütünü UEFA Avropa Kuboku-1996-nın seçmə mərhələsində Rumıniyaya qarşı keçirdi və 0:3 hesabı ilə məğlub oldu.
O zamanlar Azərbaycan millisi ölkədəki gərgin siyasi vəziyyətlə əlaqədar olaraq milli ev oyunlarını Türkiyənin Trabzon şəhərində keçirməli olub.

Azərbaycan yığması 20 illik tarixində 8 dəfə seçmə mərhələlərdə iştirak edib. Həm Avropa, həm də dünya çempionatının seçmə mərhələsində bərabər sayda (hərəsində 4 dəfə) iştirak edib. Azərbaycan komandası seçmə mərhələlər tarixində yalnız iki dəfə qrup sonuncusu olmayıb və hər iki halda, Lixtenşteyn yığmasını qabaqlayıb. Hazırki baş məşqçi Berti Foqts 2008-ci ilin aprelində yığmaya gətirilib. Bundan sonra Azərbaycan yığmasının FİFA-nın reytinqdə ən yüksək göstəricisi 2010-cu ilin noyabr ayında qeydə alınan 90-cı pillə olub.

Qeyd edək ki, meydana çıxmasının 20 yaşı taman olan Azərbaycan millisi bu müddət ərzində 189 oyuna çıxıb. Millimiz 34 qələbə qazanıb, 47 heç-heçə edib və 108 dəfə meydanı məğlub tərk edib. 189 qarşılaşmada 133 top vuran futbolçularımız, öz qapılarından  336 top buraxıblar.

Anar Kəlbiyev    
Facebook
Dəqiq xəbəri bizdən alın!
Keçid et
Ukraynadan Rusiyaya ardıcıl zərbələr: Vəziyyət kritikdir