“Ölkədə kollektiv immunitet nə zaman bərpa olunarsa , pandemiyadan o zaman qurtulacağıq”.
Bunu Modern.az-a vaksinin vacibliyi haqqında danışarkən Milli Məclisin Səhiyyə komitəsinin üzvü Kamilə Əliyeva söyləyib. Deputat qeyd edib ki, koronavirusa qalib gəlib, normal həyata dönməyin yeganə yolu məsuliyyətli olmaq, vaksin vurdurmaqdır:
“Dünyada bəzi dövlətlər vaksin əldə etmək üçün sözün əsl mənasında mübarizə aparır ki, vətəndaşalarını vaksinlə təmin etsin. Çox sevindirici bir haldır ki, ölkə rəhbərinin qətiyyəti, şəxsi nüfuzu sayəsində Azərbaycan vaksin əldə edən ilk dövlətlərdən oldu. Bu gün ölkəmizdə vaksin çatışmazlığı yoxdur, hətta ehtiyat vaksinimiz var. Bütün ölkələrdə olduğu kimi Azərbaycanda da vaksin vurulması könüllü şəkildədir. Heç kim vaksinasiyaya məcburi qayda da cəlb edilmir, edilə də bilməz. İnsanlar başa düşməlidir ki. özlərinin, yaxınlarının, cəmiyyətin sağlqamlığı naminə mütləq vaksin vurdurmalıdır. Ölkədə kollektiv immunitet nə zaman bərpa olunsa, pandemiydan da o zaman qurtulacağıq”.
K.Əliyeva təəssüflə bildirib ki, bəzi həkimlər xalqın maarifsizliyindən istifadə edərək, qanuna zidd işlər görürlər:
“Bu günlərdə vaksin vurudurmağın xeyrindən, vaksin olunmadığımız təqdirdə insanlarımızın, dövlətimizin hansı problemlərlə üzləşəcəyi haqda maarifləndirmə işi qənaətbəxş deyil. Ona görə də vaksinansiya işi isdədiyimiz sürətdə getmir. Bu məsələ ilə bağlı özəl televiziya kanalları aktiv olmalıdır. Əhalinin çox hissəsi bu kanallara daha çox baxır. Televiziyalar da özəl verilişlər hazıramalıdır, reklam çarxları çəkməlidir. Gün ərzində də efirə bir neçə dəfə verilməlidir. Qısaca olaraq insanlarımızın vaksin olunmasına cəlb olunmalarının ən vacib yolu düzgün maarifləndirmə və təbliğat işlərinin aparılmasıdır”.
Humay İsgəndərova