Arxiv
11 May 2021, 18:36 | MEDİA
ANS-i ANS edən kim olub: Mirşahin, Vahid Naxış, yoxsa...

Keçmiş ANS telekanalı ilə bağlı müxtəlif dəyərləndirmələr irəli sürülür. ANS brendini kimin formalaşdırdığı ilə bağlı fikir ayrılıqları ortaya atılır. Sanki iki qütb var: bir qisim ANS-i brend edənin Mirşahin, digər bir qisim isə Vahid Naxış (Mustafayev) olduğunu hesab edir.


Bəs, maraqlıdır, media mütəxəssisləri, ANS-in populyar olduğu dönəmdə və indi hadisələri yaxından izləyən jurnalistlər necə düşünürlər?

 

ANS-in brend olması dövrlə bağlı idi...

 

Bununla bağlı Modern.az-a danışan "525-ci qəzet"in baş redaktoru Rəşad Məcid hesab edir ki, ANS-in brend olması, imici tarixlə, zaman, dövrlə bağlı olub:

 

 

"ANS elə dövrdə yarandı ki, o zaman fərqli, müstəqil sözün ekranlarda eşidilməsi heyrətamiz və təəccüblü idi. Tamaşaçılar SSR dövründə bu cür diksiyanı, təhkiyəni, danışıq tonunu eşitməmişdilər.

 

Vahid Mustafayevlə Mirşahin vaxtilə Qarabağa Xalq Yardımı Komitəsinin nəzdində olan, xalq şairi Sabir Rüstəmxanlının rəhbəri olduğu “Azərbaycan” qəzetində "Koroğlu kəşfiyyatı" adlı səhifə hazırlayırdılar. Bu gənclər, o vaxt elə də tanınmayan cavanlar fərqli yazılar ortaya qoyurdular. Sonra bildiyimə görə, ilk kameralarını oradan götürüb, səs-küylü müsahibələr hazırlamışdılar.

 

Yadımdadır ki, Vahid Mustafayev bir neçə səs-küylü müsahibənin müəllifi idi. Mirşahinin isə reportajları insanların yadında qalırdı.
Dövr elə dövr idi ki, hər şey çalxalanırdı. Azərbaycan qəzeti Milli Hərəkatın öncüllərindən biri idi.

 

Bütün bunlardan sonra ANS yarandı. ANS-in efirdə görünən siması şübhəsiz ki, Mirşahin olub. Amma ANS-in idarəedicisi kimi Vahid Mustafayevin biznes qabiliyyəti, kreativ beyni öndə idi. Sonralar Seyfulla Mustafayev də onlara qoşulmuşdu. Seyfulla bəyin təmkinli mövqeyi ilə bu üçlük formalaşmışdı".

 

 

ANS tarix olmaqla yanaşı əfsanəyə çevrilib...

 

ANS-in tarix olmaqla yanaşı əfsanəyə çevrildiyini söyləyən baş redaktorun fikrincə, ANS-in rolunu dəyişmək mümkün deyil:

 

"Yadıma gəlir, Yesintukidə gecə gəzirdik, azərbaycanlıların toyu var idi. Toya yolumuz düşdü, uzun illər Azərbaycandan çıxmış azərbaycanlılar belə Mirşahini görən kimi tanıdılar, suallar verdilər, sohbətləşdilər. Mirşahin daha çox tanınsa da, Vahid Mustafayevin də rolunu kiçiltmək olmaz. Yeni mediadan çoxdur, amma o dövrü qaytarmaq mümkün deyil. İnsanlar həyəcanlı, təşvişli idi. Onda yaranan media, fərqli fikir söyləyənlər insanların yaddaşında daha çox qalırdı. İstedad həmişə özünə yol açır. Mirşahin ANS-də olduğu kimi REAL TV-də də jurnalist fəaliyyətini fərqli biçimdə davam etdirir. Vahid Mustafayev isə rejissor kimi maraqlı filmlər çəkdi, kitab yazdı, dublajlarla məşğul oldu. İstedadlı bir insan kimi fəaliyyətini davam etdirir".

 

ANS-i xalqın sevgisi və ən əsas da zəmanə yaratdı...

 

 

Media eksperti Zeynal Məmmədli də düşünür ki, ANS-i populyar edən, brendə çevirən zaman olub:

 

"O zaman alternativ media yox idi, bir Azərbaycan Televiziyası vardı. Birdən-birə o televiziyanın  daxilində müxtəlif prodakşnlar  yarandı.1994-cü ildə ANS ayrıca televiziyaya çevrildi. İnsanlar alternativ olana, fərqli şəkildə təqdim edənə inanırlar.

Birsəsli Azərbaycan televiziyasının dönəmində çoxsəsli paralel televiziya ANS oldu. ANS-i müəllifləri ilə yanaşı xalqın sevgisi və ən əsas da zəmanə yaratdı".

 

Bu günün  "Facebook”u  o, dövrün ANS-i idi…

 

Z. Məmmədli Vahid Naxışın və Mirşahinin rolunun az olmadığını qeyd etsə də,  vurğulayıb ki, onlar ilk televiziya olduğu üçün diqqət çəkdilər:

 

"Haqlı olaraq həmin dövrdə məşhurlaşdılar. Həmin dövrdə üç televiziya yaransaydı, biz 3-nü də məşhur sayardıq. Seçənək verilirdi və həmin dövrdə insanlar kommunizm yuxusundan ayılıb, birdən-birə gerçəklərlə qarşılaşan zaman bu telekanal yarandı. ANS kimi televiziyanın dəyərləndirilməsi üçün həmin dövrün  atmosferi, 1990-cı illərin tamaşaçısı olmalıdır. ANS-i məşhurlaşdıran başlıca səbəb verilən xəbərlər idi. Xəbərlər verən indi ARB-24, Real TV kanalları var, ancaq 1990-cı illərin tamaşaçısı yoxdur. Seçim çoxdur, ancaq əvvəlki illərdəki kimi xəbərlərin doğruluğu, dolğunluğu yoxdur. Xəbəri verəndə düşünürsən ki, kim necə baxar və daxili senzura önə çıxır. Bu günün  "Facebook”u  o, dövrün ANS-i idi".

 

Aysel Aslan 

Humay İsgəndərova

BU KATEQORİYADAN OLAN DİGƏR XƏBƏRLƏR
+ Arxiv
"Taliban" Moskvada iqtisadi və siyasi dəstək istəyəcək 20 Oktyabr 2021, 00:55 Sabirabadda ev yandı 20 Oktyabr 2021, 00:23 Sabiq konsul Elnur Əşrəfoğludan YAZDI 20 Oktyabr 2021, 00:23 XİN-dən Zəngilanla bağlı PAYLAŞIM 20 Oktyabr 2021, 00:19 Zəngilanın işğaldan azad edilməsindən 1 İL ÖTÜR 20 Oktyabr 2021, 00:06 Türkiyədə daha 223 nəfər COVID-in qurbanı oldu 19 Oktyabr 2021, 23:53 Paşinyan Qarabağ məsələsindən yaxa qurtarmaq istəyir - TƏHLİL 19 Oktyabr 2021, 23:31 Bir ailə göbələkdən zəhərləndi: Ölən var 19 Oktyabr 2021, 23:29 Münhen aeroportunda 1,2 ton narkotik müsadirə edildi 19 Oktyabr 2021, 23:00 Koronavirusdan vəfat edən Elnur Əşrəfoğlu kim idi? - DOSYE 19 Oktyabr 2021, 22:52 Afrikada güc mübarizəsi: Türkiyənin mövqeyi 19 Oktyabr 2021, 22:35 Fuad Qəhrəmanlının qızına təcavüzdə ittiham edilən şəxs saxlanılıb 19 Oktyabr 2021, 22:14 ABŞ-da təyyarə qəzası: Yaralılar var 19 Oktyabr 2021, 21:50 Konqoda yük maşını çaya düşdü: 50 ölü 19 Oktyabr 2021, 21:35 BMT KXDR-in raket sınağından narahatdır 19 Oktyabr 2021, 21:21 NATO rəsmisi Gürcüstanın vasitəçilik rolundan danışdı 19 Oktyabr 2021, 20:56 Telman İsmayılovla bağlı materiallar Monteneqroya verildi 19 Oktyabr 2021, 20:51 28 may qeyri-iş, 18 oktyabr iş günü olacaq 19 Oktyabr 2021, 20:34 “Xiaomi” elektromobillərin kütləvi istehsalına başlayır 19 Oktyabr 2021, 20:20 Türk Şurasından Afrika ölkələrinə peyvənd YARDIMI 19 Oktyabr 2021, 19:50 Nazir beynəlxalq konfransda Zəngəzur dəhlizindən danışdı 19 Oktyabr 2021, 19:42 Gülağa Aslanlının ürəyinə stent qoyuldu 19 Oktyabr 2021, 19:33 Azərbaycan daha 5 hərbçini Ermənistana QAYTARDI 19 Oktyabr 2021, 19:28 Elnur Əşrəfoğlu VƏFAT ETDİ 19 Oktyabr 2021, 19:11 Prezident Xorvatiyanın xarici işlər nazirini qəbul etdi 19 Oktyabr 2021, 19:06 Erməniləri təşvişə salan hərbi hissə - VİDEO 19 Oktyabr 2021, 19:00 Daha bir məktəb distant tədrisə keçdi 19 Oktyabr 2021, 18:56 İlham Əliyev Ərdoğana başsağlığı verdi 19 Oktyabr 2021, 18:50 Koronavirusun yeni ştammı aşkarlandı 19 Oktyabr 2021, 18:43 Azərbaycanın xarici siyasətinin başlıca prinsipi müstəqillikdir 19 Oktyabr 2021, 18:36 Universitetdə “Özbək dili günü” - FOTOLAR 19 Oktyabr 2021, 18:30 Prokurorluq həkimlə bağlı araşdırmalara BAŞLADI 19 Oktyabr 2021, 18:23 Dolların məzənnəsi sabit qaldı 19 Oktyabr 2021, 18:16 Azyaşlı sığınacağa yerləşdirildi - SƏBƏB  19 Oktyabr 2021, 18:10 Əli Əsədov slovakiyalı nazirlə GÖRÜŞDÜ 19 Oktyabr 2021, 18:05