Millət vəkili Vahid Əhmədov Quba rayonunda seçiciləri ilə görüşüb. Bu barədə Modern.az saytına deputatın köməkçisi Arif Orucov məlumat verib. Bildirilib ki, Vahid Əhmədov 3 gün ərzində seçiciləri ilə görüşərək onların problemlərini dinləyib.
Millət vəkili Gənclər və İndman Nazirliyinin Qubada keçirdiyi konfransda çıxış edərək qubalı gənclərin qazandığı uğurları qeyd etməklə yanaşı, onları ən çox narahat edən problemlərdən də danışıb. Qeyd olunub ki, qubalı gənclər dövlətçiliyimizin qorunması və möhkəmləndirilməsində həmişə ön sıralarda olublar.
Konfransa həmçinin təklif olunub ki, rayonda gənclər arasında işsizliyin çox olması faktı nəzərə alınaraq Bakıda fəaliyyət göstərən müəssisələrin filiallarının Qubada məsələsinə baxılsın.
A.Orucov bildirib ki, deputat növbəti görüşünü Qubanın Dağlı və Qımıl kəndlərinin əhalisi ilə keçirib. Tədbirdə çıxış edən Dağlı kənd sakinləri ən böyük problemlərinin kənddə içməli suyun olmamasını qeyd edərək deputatdan bu məsələnin həlli üçün kömək istəyiblər. Qımıl kənd seçiciləri də deputata görüşə gəldiyi üçün təşəkkür edərək, onları narahat edən bir sıra məsələləri qeyd ediblər.
Millət vəkili Vahid Əhmədov daha sonra Yaponiya hökümətinin ayırdığı vəsait hesabına rayonun Qam-Qam kəndində İçməli Su təhcizatının Yaxşılaşdırılması Layihəsinin imzalanma mərasiminə qatılıb.
|
|
|
|
|
|
|
|
Modern.az
