Arxiv
18 Sentyabr 2021, 09:21 | MƏDƏNİYYƏT
“AYRILIQ”la xalqı birləşdirdi, öz vaxtsız ayrılığı ilə isə ürəkləri parçaladı...

Xalqımızın görkəmli, sevimli, unudulmaz sənətkarı Yaqub Zurufçu 32 il əvvəl - 1989-cu ildə Azərbaycana, milyonların azadlıq eşqi ilə çırpındığı “Azadlıq” meydanına qaynar bir musiqi meteoru kimi necə gəlmişdisə, elə meteor kimi də gözlənilmədən, qəfildən “uçub getdi”. Ancaq onun meteor içığı hələ yüz illər “Azadlıq” meydanında, Azərbaycanın başı üzərində şölələnəcək, qəlbləri işıqlandıracaqdır.


Yaqub bəyin yoxluğuna, vaxtsız ölümünə bu gün heç kəs inanmır, inanmaq istəmir, onun qəfil yoxluğu ilə barışa bilmir. Axı, xalqımız hələ onun ecazkar səsindən, mahnılarından doymamışdı, o möcüzəli, əsrarəngiz səsin Azərbaycanı, yenicə azadlığına qovuşmuş Qarabağımızı kəndbəkənd, evbə-ev dolaşağacağına əmin idi. Onun gözlənilməz ölümü bu gün hər bir azərbaycanlını musiqi korifeylərimiz Üzeyir bəyin, Bülbülün, Rəşid Behbudovun, Müslim Maqomayevin ölümləri kimi sarsıdır, təpədən dırnağa qədər yandırıb-tökür. Yaqub bəy bugünümüz üçün həmin şərəfli pleyadadan olan sonuncu korifeyimizdir.


***


Bu gün - 18 sentyabr xalqımızın dahi bəstəkarı Üzeyir bəy Hacıbəylinin dünyaya gəldiyi gündür. Bu münasibətlə 18-26 sentyabr günləri respublikaızda Üzeyir bəy Hacıbəyli günləri keçiriləcək. Sevimli müğənnimiz Yaqub Zurufçu hələ 6 il əvvəl – 2015-ci ilin fevralında çox sevdiyi, özünün mənəvi ustadı hesab edərək, mahnılarını böyük həvəslə ifa etdiyi  korifey sənətkara  xüsusi musiqi  albomu həsr etmişdi. O zaman təqdimat mərasimindən hazırladığım məqaləni hər iki böyük sənətkarın müqəddəs ruhlarına ehtiramla oxuculara təqdim edirəm.    

 

Yaqub Zurufçunun dahi bəstəkar Üzeyir Hacıbəyliyə həsr etdiyi mahnı albomunun təqdimatı olub


Bu ilin (2015-ci ilin) sentyabrında Azərbaycanın professional musiqi sənətinin banisi, bütün Şərq dünyasının ilk opera yaradıcısı, dahi bəstəkar Üzeyir Hacıbəylinin 130 illik yubileyi təntənə ilə qeyd ediləcəkdir. Musiqi korifeyimizin yaradıcılığının böyük pərəstişkarı, türk dünyasının sevimli müğənnisi Yaqub Zurufçu unudulmaz bəstəkarın yubileyinə özünün yeni töhfəsini – Üzeyir Hacıbəylinin və onun davamçıları olan bəstəkarlarımızın əsərlərindən ibarət yeni mahnı albomu hazırlamışdır. Bugünlərdə dahi  bəstəkarın ev-muzeyində böyük sənətkara ithaf olunmuş albomun təqdimatı olmuşdur.

Tədbiri giriş sözü ilə açan Əməkdar incəsənət xadimi, Ev-muzeyin  direktoru, bəstəkar Sərdar Fərəcov mahnı ifaçılığı ilə milyonlarla qəlbə yol tapmış, yalnız Azərbaycanda deyil, bütün dünyada tanınan və sevilən görkəmli sənətkar Yaqub Zurufçunun Üzeyir bəy yaradıcılığına vurğunluğundan, repertuarında onun mahnılarına daim geniş yer verməsindən söhbət açmış və qeyd etmişdir ki, dahi bəstəkarın 130 illik yubileyinə həsr edilmiş yeni mahnı albomu müğənninin Üzeyir Hacıbəyli dühasına minnətdarlığının ifadəsidir. 

Tədbir iştirakçılarının alqışları ilə qarşılanan Yaqub Zurufçu 16 musiqi əsərinin yazıldığı disklə yanaşı dahi bəstəkarın zəngin bioqrafiyasından qısa xatırlatmaların, haqqında həm də müəllifin düşüncələrinin verildiyi, müğənninin özünün bir ifaçı kimi yaradıcılığının, Azərbaycanla əbədi bağlılığının əks olunduğu, orijinal və nəfis tərtibatı gənc dizaynerlər Azər Rəhmanoğlu və Ramiz Əbilov tərəfindən verilmiş 24 səhifəlik kitabça haqqında da məlumat verərək bildirmişdir ki, alboma daxil edilmiş mahnılar Amerikanın Los-Anceles şəhərində simfonik orkestrin müşayiəti ilə yazılıb.

Yeni mahnı albomuna müğənninin ifasında Üzeyir Hacıbəylinin əsərlərindən 7 nümunə, o cümlədən məşhur "Sənsiz”, "Sevgili canan” mahnıları, şah əsərlərindən olan "Koroğlu” və "Arşın mal alan” operalarından ariyalar salınmışdır. Diskdə musiqisevərlərə həmçinin dahi sənətkarın davamçıları olan bəstəkarların - Asəf Zeynallının, Niyazinin, Fikrət Əmirovun, Tofiq Quliyevin, Vasif Adıgözəlovun, Cahangir Cahangirovun və Rəşid Şəfəqin əsərləri, həmçinin populyar xalq mahnıları da təqdim edilir.

Təqdimat mərasimində çıxış edənlər - Azərbaycan Bəstəkarlar İttifaqının katibi, Əməkdar incəsənət xadimi, Ü.Hacıbəyli yaradıсılığının yorulmaz tәdqiqatçısı professor Zemfira Qafarova, Azərbaycan Akademik Opera və Balet Teatrının baş rejissoru, Əməkdar İncəsənət xadimi Hafiz Quliyev, Bakı Musiqi Akademiyasının professoru, respublikanın Xalq artisti, görkəmli dirijor Yalçın Adıgözəlov, İsveçdən gəlmiş qonaq, doktor Cavad Deraxti, şairə Mahcamal Babayeva, Bakı Musiqi Akademiyasının dosenti, Əməkdar artist Munis Şərifov, İranın Mərənd şəhərindən təşrif buturmuş şair Mohəmməd Əli, mühəndis Tariyel Məmmədov, "Üvertüra” jurnalının baş redaktoru Şöhrət Əfşar və digərləri Üzeyir Hacıbəylinin misilsiz yaradıcılığından, böyük sənətkar şəxsiyyətindən, vətənpərvərliyindən və maarifpərvərliyindən, bəstəkarlıqla yanaşı həm də jurnalist kimi geniş və səmərəli fəaliyyətindən, yüksək mənəvi dəyərlərindən, xeyirxahlığından, gənc musiqiçilərə qayğıkeş münasibətindən söhbət açmışlar. Yaqub Zurufçunun dahi bəstəkara sonsuz məhəbbəti, onun hələ ötən əsrin 80-ci illərində Azərbaycanın azadlıq hərəkatında iştirakı və rolu, özünün məşhur "Ayrılıq” mahnısı ilə xalqın coşqun milli ruhunu daha da gücləndirməsi, bununla da böyük ümumxalq sevgisi qazanması barədə fəxrlə, minnətdarlıqla danışılmışdır.

Tədbir zamanı xalqımızın unudulmaz, sevimli rəhbəri Heydər Əliyevin Yaqub Zurufçu ilə səmimi görüşlərini, ölkə rəhbəri ilə müğənninin qarşılıqlı hörmət və rəğbətinin duyulduğu söhbətləri, Ulu öndər Amerikanın Klivlend qospitalında müalicə olunarkən sənətkarın onu ziyarət etməsini, onun üçün sevdiyi mahnıları ifa etməsini ekranda canlandıran video-görüntülər tədbir iştirakçılarında təsirli, çox kövrək duyğulara səbəb olmuşdur.

Respublikamızın görkəmli sənət adamlarının – yüzlərlə musiqi əsərlərinin müəllifi, Azərbaycanın Xalq artisti,  bəstəkar Tofiq Quliyevin, SSRİ xalq artistui Zeynəb Xanlarovanın, Azərbaycanın Xalq artistləri – bəstəkar Vasif Adıgözəlovun, unudulmaz mahnıları ilə xalqın sevgisini qazanmış Gülağa Məmmədovun (Yaqub Zurufçunu Azərbaycana məhz o tanıtmışdır) və digərlərinin Yaqub Zurufçu haqqında videolentin yaddaşında saxlanılmış fikir və rəyləri də tədbir iştirakçılarında rəğbət doğurmuşdur.

İki saatdan artıq davam edən təqdimat mərasimi zamanı Yaqub Zurufçunun "Dan ulduzu” ansamblının pianoçusu, Azərbaycan Mədəniyyət və İncəsənət Universitetinin müəllimi Fəridə Hüseynovanın pianoda müşayiəti ilə canlı olaraq ifa etdiyi Üzeyir bəy mahnıları tədbir iştirakçıları tərəfindən sürəkli alqışlarla qarşılanmışdır.

Görüşün sonunda Azərbaycanın Əməkdar artisti, öz təkrarsız mahnı ifaçılığı ilə xalqın böyük sevgi və rəğbətini qazanmış Yaqub Zurufçu dahi bəstəkara həst etdiyi mahnı albomunu avtoqrafla Üzeyir Hacıbəyovun Ev-muzeyinə və tədbir iştirakçılarına hədiyyə etmiş və bildirmişdir ki, yaxın zamanlarda Üzeyir Hacıbəylinin tələbələri olmuş bəstəkarların əsərlərini simfonik orkestrin müşayiəti ilə ifa etməyi, daha sonra isə həmin musiqi nümunələri  əsasında yeni albom hazırlamağı nəzərdə tutur.



Rəhman ORXAN,
Respublikanın Əməkdar jurnalisti

BU KATEQORİYADAN OLAN DİGƏR XƏBƏRLƏR
+ Arxiv
Çempionlar Liqasının qrup mərhələsində III tur - NƏTİCƏLƏR 20 Oktyabr 2021, 08:31 ABŞ-ın daxili təhlükəsizlik naziri koronavirusa yoluxdu 20 Oktyabr 2021, 08:30 Güclü külək əsəcək, yağış yağacaq - Dağlarda qar yağacaq 20 Oktyabr 2021, 08:25 Canəli Əkbərov və arvadı koronavirusa yoluxdu - Vəziyyəti ağırdır 20 Oktyabr 2021, 08:05 Bayram Nurlunun ailə üzvləri zəhərləndi - Bacısı oğlu öldü 20 Oktyabr 2021, 07:53 "Facebook" adını dəyişir 20 Oktyabr 2021, 07:47 Vətən müharibəsinin xronikası - Azərbaycan bayrağı zəngilan şəhərində sancılıb 20 Oktyabr 2021, 07:17 "Taliban" Moskvada iqtisadi və siyasi dəstək istəyəcək 20 Oktyabr 2021, 00:55 Sabirabadda ev yandı 20 Oktyabr 2021, 00:23 Sabiq konsul Elnur Əşrəfoğludan YAZDI 20 Oktyabr 2021, 00:23 XİN-dən Zəngilanla bağlı PAYLAŞIM 20 Oktyabr 2021, 00:19 Zəngilanın işğaldan azad edilməsindən 1 İL ÖTÜR 20 Oktyabr 2021, 00:06 Türkiyədə daha 223 nəfər COVID-in qurbanı oldu 19 Oktyabr 2021, 23:53 Paşinyan Qarabağ məsələsindən yaxa qurtarmaq istəyir - TƏHLİL 19 Oktyabr 2021, 23:31 Bir ailə göbələkdən zəhərləndi: Ölən var 19 Oktyabr 2021, 23:29 Münhen aeroportunda 1,2 ton narkotik müsadirə edildi 19 Oktyabr 2021, 23:00 Koronavirusdan vəfat edən Elnur Əşrəfoğlu kim idi? - DOSYE 19 Oktyabr 2021, 22:52 Afrikada güc mübarizəsi: Türkiyənin mövqeyi 19 Oktyabr 2021, 22:35 Fuad Qəhrəmanlının qızına təcavüzdə ittiham edilən şəxs saxlanılıb 19 Oktyabr 2021, 22:14 ABŞ-da təyyarə qəzası: Yaralılar var 19 Oktyabr 2021, 21:50 Konqoda yük maşını çaya düşdü: 50 ölü 19 Oktyabr 2021, 21:35 BMT KXDR-in raket sınağından narahatdır 19 Oktyabr 2021, 21:21 NATO rəsmisi Gürcüstanın vasitəçilik rolundan danışdı 19 Oktyabr 2021, 20:56 Telman İsmayılovla bağlı materiallar Monteneqroya verildi 19 Oktyabr 2021, 20:51 28 may qeyri-iş, 18 oktyabr iş günü olacaq 19 Oktyabr 2021, 20:34 “Xiaomi” elektromobillərin kütləvi istehsalına başlayır 19 Oktyabr 2021, 20:20 Türk Şurasından Afrika ölkələrinə peyvənd YARDIMI 19 Oktyabr 2021, 19:50 Nazir beynəlxalq konfransda Zəngəzur dəhlizindən danışdı 19 Oktyabr 2021, 19:42 Gülağa Aslanlının ürəyinə stent qoyuldu 19 Oktyabr 2021, 19:33 Azərbaycan daha 5 hərbçini Ermənistana QAYTARDI 19 Oktyabr 2021, 19:28 Elnur Əşrəfoğlu VƏFAT ETDİ 19 Oktyabr 2021, 19:11 Prezident Xorvatiyanın xarici işlər nazirini qəbul etdi 19 Oktyabr 2021, 19:06 Erməniləri təşvişə salan hərbi hissə - VİDEO 19 Oktyabr 2021, 19:00 Daha bir məktəb distant tədrisə keçdi 19 Oktyabr 2021, 18:56 İlham Əliyev Ərdoğana başsağlığı verdi 19 Oktyabr 2021, 18:50