Ermənistan parlamentinin spikeri Hovik Abrahamyan Bakıya dəvət olunub. Modern.az xəbər verir ki, spiker Qara Dəniz İqtisadi Əməkdaşlıq Təşkilatı Parlament Assambleyasının (QDİƏT PA) sessiyasında iştirak etmək üçün Bakıya dəvət alıb. Spikerin mətbuat xidmətinin rəhbəri erməni saytlarına bildirib ki, hazırda Hovik Abrahamyan tətildədir. “Cümə axşamı tətildən qayıdacaq. Bundan sonra onun Bakıya getməsi müzakirə olunacaq”.
Qeyd edək ki, Bakıda noyabrın 27-28-də Qara Dəniz İqtisadi Əməkdaşlıq Təşkilatı Parlament Assambleyasının (QDİƏT PA) 40-cı iclası keçiriləcək. Sessiyaya bir sıra nüfuzlu şəxslər dəvət olunublar.
