Ermənistan baş naziri Nikol Paşinyan 2022-ci ilin dövlət büdcəsi layihəsini parlamentdə təqdim edib.
Modern.az Ermənistan KİV-nə istinadən xəbər verir ki, hökumət başçısı ordu quruculuğu ilə bağlı ətraflı danışıb.
“Ermənistanın özgə torpaqlarını işğal etmək planı yoxdur. Təhlükəsizlik sistemi baxımından isə ordunun modernləşdirilməsi ilə yanaşı, Ermənistan, Qarabağ və region üçün sülh dövrünün açılması naminə münbit şərait yaradılmalıdır”.
Paşinyan sülh dövrünün başlanmasına düşmənçiliyin aradan qalxması, ATƏT-in Minsk qrupunun vasitəçiliyi ilə sülh danışıqlarının bərpası və regionun iqtisadi və infrastruktur kommunikasiyalarının açılmasını arqument gətirib.
