Rusiyanın Çelyabinsk vilayətində meteorit yağışı adlanan təbiət hadisəsi baş verib. Böyük bir meteorit parçası Çelyabinsk ərazisində, Satka rayon mərkəzindən 80 kilometr uzaqda yerə düşüb. Meteoritin zərbə dalğası sink zavodunun anbarının divarını uçurub. Zərbə nəticəsində zavodun inzibati binalarının pəncərələri qırılıb, dörd nəfər yüngül yaralanıb.
Hadisə nəticəsində Çelyabinskdə bir neçə evin də şüşələri sınıb. Fövqəladə Hallar Nazirliyi regionda radiasiya fonunun normada olduğunu bildirir.