Arxiv
19 Sentyabr 2009, 17:17 | PARLAMENT
Oqtay Əsədov: "Sərhədlərin açılması ilə torpaqların işğaldan azad olunması paralel həyata keçirilməlidir"

Milli Məclisin Sədri cənab Oqtay Əsədovun başçılığı ilə parlament nümayəndə heyəti sentyabrın 16-dan 18-dək İsveçrə Konfederasiyasında rəsmi səfərdə olub. Nümayəndə heyətinin tərkibinə deputatlar Çingiz Əsədullayev, Asim Mollazadə, Elton Məmmədov, Milli Məclis Aparatının rəhbəri Səfa Mirzəyev və digər rəsmi şəxslər daxil idilər.
Sentyabrın 17-də Milli Məclisin nümayəndələri əvvəlcə İsveçrə Parlamentində olublar, İsveçrə Milli Şurasının və Dövlətlər Şurasının plenar iclaslarının işini müşahidə ediblər.
İsveçrə parlamentinin binası ilə tanışlıqdan sonra Milli Şuranın Sədri xanım Çiara Simoneski-Kortezi ilə görüş keçirilib. Şura Sədri bu cür səfərləri yüksək qiymətləndirib və böyük inam hissi ilə qeyd edib ki, hər iki ölkə arasında aparılan dialoqa parlamentlərimiz öz töhfəsini verəcək. Şura Sədri İsveçrənin Türkiyə-Ermənistan danışıqlarında vasitəçilik missiyası yerinə yetirdiyini diqqətə çatdırıb. Səmimi qəbula görə öz təşəkkürünü bildirən Milli Məclisin Sədri Oqtay Əsədov qeyd edib ki, Azərbaycan dost İsveçrə ilə əlaqələrin bütün sahələrində, o cümlədən parlamentlər səviyyəsində daha da inkişaf etdirilməsinə böyük əhəmiyyət verir: “Ölkə başçılarımızın səyi nəticəsində bu əlaqələr daha da genişlənir və möhkəmlənir”. Spiker bu il İsveçrə Parlamentində Azərbaycanla dostluq qrupunun yaradılmasının Azərbaycan parlamentində məmnunluqla qarşılandığını qeyd edib. Söhbətdə bir sıra regional və beynəlxalq məsələlər də diqqət mərkəzində olub. Görüşün sonunda Milli Məclisin Sədri Oqtay Əsədov Milli Şuranın qonaqlar kitabına ürək sözlərini yazıb.
Azərbaycan parlament nümayəndə heyətinin növbəti görüşü Dövlətlər Şurasının Sədri Alan Berse ilə olub. Bu görüşdən məmnun qaldığını bildirən Şura Sədri dostluq əlaqələrinin daha da inkişaf etdirilməsinin vacibliyini vurğulayıb.
Şura Sədri inamla qeyd etdi ki, Azərbaycan Prezidenti İlham Əliyevin oktyabr ayında İsveçrəyə nəzərdə tutulmuş səfəri ölkələrimiz arasındakı əlaqələrin daha da dərinləşməsinə, İsveçrə-Azərbaycan münasibətlərinin yeni müstəvidə inkişafına təkan verəcək.
Qarşılıqlı səfərlərin son vaxtlar daha da artdığını bildirən Milli Məclisin Sədri Oqtay Əsədov ölkələrimiz arasında bir neçə mühüm sənədlər imzalandığını, aparılan danışıqların, imzalanmış sənədlərin bu əlaqələrin hüquqi bazasının yaranmasına və möhkəmlənməsinə xidmət etdiyini vurğulayıb. O, qeyd edib ki, Azərbaycan Prezidenti İlham Əliyevin apardığı xarici siyasətin prioritet istiqamətlərdən biri Avroatlantik məkana inteqrasiyadır.
Ölkəmizdə aparılan demokratik, hüquqi, iqtisadi islahatlardan söz açan Sədr bildirib ki, Prezident İlham Əliyevin həyata keçirdiyi uğurlu iqtisadi islahatlar nəticəsində dünyada baş verən iqtisadi böhran Azərbaycana zəif təsir edib və bu böhranın ölkəmizdən yan keçməsi üçün bütün qabaqlayıcı tədbirlər görülüb. Görüşdə Azərbaycanın üzləşdiyi ən ağrılı problem Ermənistan-Azərbaycan, Dağlıq Qarabağ münaqişəsi barədə ətraflı söhbətlər aparılıb.
Sentyabrın 17-də Milli Məclisin nümayəndə heyəti İsveçrə Konfederasiyasının Federal Xarici İşlər Departamentinin rəhbəri (faktiki olaraq Xarici İşlər naziri) xanım Mişelin Kamili-Rey ilə görüşüb. Mişelin Kamili-Rey öz ölkəsinin Azərbaycanla əməkdaşlığa xüsusi maraq göstərdiyini söyləyib. Bildirib ki, Azərbaycan Prezidenti İlham Əliyevin bu ilin oktyabrında İsveçrəyə nəzərdə tutulmuş səfəri ilə bağlı ciddi hazırlıq işləri görülür. İsveçrə bu səfəri səbirsizliklə və böyük məmnuniyyətlə gözləyir.
Söhbətdə Azərbaycanın üzləşdiyi ən ağrılı problem – Ermənistan-Azərbaycan, Dağlıq Qarabağ münaqişəsinə toxunan departament rəhbəri Türkiyə-Ermənistan danışıqlarında vasitəçilik missiyasının İsveçrə hökuməti tərəfindən onun rəhbərlik etdiyi quruma həvalə olunduğunu diqqətə çatdırıb.
Bu görüşdən məmnun qaldığını bildirən Milli Məclisin Sədri Oqtay Əsədov ölkələrimiz arasında yaranmış əlaqələrin bundan sonra da yüksələn xətlə inkişaf edəcəyinə əminliyini ifadə edib. O.Əsədov ümidvar olduğunu bildirib ki, Prezident İlham Əliyevin İsveçrəyə səfəri ölkələrimiz arasındakı münasibətlərin yeni mərhələyə qədəm qoymasına, daha geniş və hərtərəfli inkişafına təkan verəcək. Spiker Azərbaycanın ərazi bütövlüyünü dəstəklədiyinə görə İsveçrə hökumətinə təşəkkürünü bildirdi. O.Əsədov qeyd edib ki, Türkiyə ilə Ermənistan sərhədlərinin bağlanmasına səbəb Azərbaycan torpaqlarının Ermənistan tərəfindən işğal olunmasıdır: “Bu məsələ isə neçə illərdir öz həllini tapmayıb. Ermənistan beynəlxalq hüquq normalarına və nüfuzlu beynəlxalq təşkilatların qəbul etdiyi qərar və qətnamələrə məhəl qoymur. Azərbaycan isə nə Türkiyənin, nə də Ermənistanın daxili işlərinə qarışmaq fikrində deyil. Amma hamı bilməlidir ki, sərhədlərin açılması prosesi ilə torpaqların işğaldan azad olunması məsələsi paralel olaraq həyata keçirilməlidir. Bu məsələdə paralelliyi pozmaq istəyənlər anlamalıdırlar ki, işğal olunmuş ərazilər boşaldılmadan sərhədlərin açılması Azərbaycanın milli maraqlarına zidd olmaqla yanaşı, eyni zamanda, Cənubi Qafqaz regionunda sülhün və əminamanlığın bərpasına ağır zərbə olar”.
Səfər çərçivəsində nümayəndə heyətimizin Bern şəhərinin tarixi və görməli yerləri ilə, eləcə də Liebştatda yerləşən Atom Enerji Stansiyası və onun iş rejimi ilə tanışlığı səfərin yadda qalan məqamlarından olub.

 

BU KATEQORİYADAN OLAN DİGƏR XƏBƏRLƏR
+ Arxiv
İt dişləyən kişi quduzluqdan öldü 25 May 2020, 11:19 “Pandemiya ilə bağlı Gəncədə bütün zəruri tədbirlər həyata keçirilir” - Səməd Tomuyev 25 May 2020, 11:15 Mədəniyyət nazirinin səlahiyyətləri kimə həvalə edilib? - Rəsmi AÇIQLAMA 25 May 2020, 11:09 Azərbaycanda faktiki HAVA 25 May 2020, 10:58 Qurban Qurbanov və “Qarabağ” dünya rekordçuları ARASINDA 25 May 2020, 10:49 Ruslan İzzətlini hərbi xidmətə apardılar 25 May 2020, 10:37 “TRT Rusca” xəbər kanalı açıldı 25 May 2020, 10:31 Muzey və qoruqlarda “açıq qapı” günləri başladı 25 May 2020, 10:26 Ağdaşda narkotik əməliyyatı 25 May 2020, 10:18 Polis aztəminatlı ailələrə sovqat apardı 25 May 2020, 10:14 Yanacaqdoldurma məntəqələrində benzin niyə EYNİ QİYMƏTədir? 25 May 2020, 10:13 Neftin qiyməti bahalaşır 25 May 2020, 10:07 Ərdoğan İlham Əliyevə zəng etdi 25 May 2020, 09:52 Qazaxıstan bütün hava limanlarını açır 25 May 2020, 09:47 Cəbhədə silhalar susmur - Rayonlarımız atəşə tutuldu 25 May 2020, 09:31 Bu Avropa ölkəsi koronavirusdan qurtuldu 25 May 2020, 09:23 Kiyevdə də metro açıldı 25 May 2020, 09:15 “Xalq artisti”, “Əməkdar artist” lüt soyunub ekrana çıxır” - Fəxri adlara ETİRAZ 25 May 2020, 09:12 Koronavirusa yoluxanların sayı 5 milyon yarımı ötdü 25 May 2020, 09:03 İtaliya çempionatı bu tarixdə bərpa olunacaq 25 May 2020, 08:57 Fransada 28 367 nəfər COVİD-19-un qurbanı olub 25 May 2020, 00:46 “Putin yenidən prezident seçilməyimi istəmir” - Tramp 25 May 2020, 00:33 ABŞ-da koronavirus qurbanlarının sayı 100 minə çatır 25 May 2020, 00:21 Moskvadakı atışmaya görə 9 nəfər saxlanıldı 25 May 2020, 00:04 Ağstafada gənc oğlan intihar edib 24 May 2020, 23:49 Daha 2 min Taliban üzvü azadlığa buraxıldı 24 May 2020, 23:30 Azərbaycanda bu kənd nəzarətə götürüldü 24 May 2020, 23:14 Koronavirus səbəbindən G7 sammitinin vaxtı dəyişdi 24 May 2020, 22:58 Zidan özünütəcrid qaydalarını pozdu 24 May 2020, 22:45 Rusiyada azərbaycanlı vəhşicəsinə qətlə yetirildi 24 May 2020, 22:29 Elmar Məmmədyarov Çavuşoğlu ilə müzakirə apardı 24 May 2020, 22:15 Gəncə sakini bıçaqlandı 24 May 2020, 21:59 TİKA Tovuzda 150 aztəminatlı ailəyə bayram sovqatı verdi - FOTO 24 May 2020, 21:51 Azərbaycanda koronavirusla bağlı son STATİSTİKA - FOTO 24 May 2020, 21:46 Türkiyədə daha 32 nəfər koronavirusdan öldü 24 May 2020, 21:31