Arxiv
9 Aprel 2015, 15:31 | AKTUAL
Siyasətçilərin idman məşğuliyyəti - "At çapmışam", "Basketbola getmişəm"

Cəmiyyət hər zaman siyasətçilərin siyasi çıxışları ilə yanaşı, onların şəxsi həyatı ilə də maraqlanıb: siyasətdən kənarda nə işlə məşğuldurlar, hansı musiqi janrına qulaq asır, hansı idman növünə azarkeşlik edir, hobbisi varmı və s.

Modern.az saytı bunları nəzərə alaraq, Azərbaycanın tanınmış siyasətçilərinin hansı idman növü ilə məşğul olduqlarını və hansı idman növünə azarkeşlik etdiklərini öyrənməyə çalışıb.

YAP icra katibinin müavini, deputat Siyavuş Novruzov deyir ki, güləş üzrə idman ustasıdır. YAP-çı deputat 10 yaşından güləşlə məşğul olub. O, 1988-ci ildə hətta SSRİ çempionu da olub. Siyavuş Novruzov indinin özündə də arabir idmanla məşğul olur.

Ümid Partiyasının sədri, deputat İqbal Ağazadə 1987-1988-ci illərdə SSRİ Silahlı Qüvvələri arasında ağırlıqqaldırma üzrə ikinci yeri tutmaqla yanaşı, idman ustası da olub. Amma o, hazırda  ağırlıqqaldırma ilə məşğul deyil.
İqbal Ağazadə indi hər gün 7-8 km yolu qaçmağı sağlamlıq kimi dəyərləndirir.

Ədalət Partiyasının sədri  İlyas İsmayılov boyunun hündür olmasından yararlana bilib. “Cavanlıqda çox ciddi şəkildə basketbolla məşğul olmuşam. İndi isə yaşlanmışam. Ona görə də  güləşən, top oynayan vaxtım deyil. Sadəcə, bu yaşda azarkeşlik etdiyim idman növü futboldur”.

AMİP  lideri Etibar Məmmədov məşğul olduğu idman növündən danışarkən bunları deyib:
Məktəb illərində gimnastika ilə çox məşğul olmuşam. Ondan sonra tələbəlik illəri gəldi və özümün siyasətdə aktiv olduğumu gördüm. O illər ərzində üzgüçülük və tennis idman növü ilə məşğul olmuşam. Bu iki idman növü ilə indi  də məşğul oluram. Xüsusi azarkeşlik etdiyim idman növü yoxdur. Çünki hər bir idman növü ilə müntəzəm olaraq maraqlanıram”.

Müsavat Partiyasının başqanı Arif Hacılının başı siyasətə yaman qarışıqdır. “Uzun illər futbolla məşğul olmuşam. İndi isə müəyyən səbəblər üzündən futbolla məşğul olmuram. Futbol həm də azarkeşlik etdiyim idman növüdür”.

Azad Demokratlar Partiyasının sədri Sülhəddin Əkbər zamanında idmanla məşğul olub:
“Əvvəllər  sərbəst güləşlə məşğul olmuşam. İndi hər hansı idman növü ilə məşğul olmuram. Sadəcə olaraq, hər gün bir saat açıq havada gəzirəm. Xüsusi azarkeşlik etdiyim idman növü yoxdur. Maraqlı futbol, basketbol oyunlarını, boks yarışlarını izləyirəm”.  

Azərbaycan Liberal Partiyasının lideri Lalə Şövkət  isə hələ uşaqlıqdan kişi xarakterli olması ilə seçilib. Partiyanın sədri Əvəz Temirxan Lalə Şövkət haqqında bunları deyib: 

“Lalə Şövkət çox yaxşı at çapmağı bacarır. 1965-ci ildə Lalə xanımın 14 yaşı olanda atası Şövkət bəy onu dünya şöhrətli futbolçu, braziliyalı Pelenin oyununu izləmək üçün Moskvaya aparıb. Lalə Şövkət yaxşı maşın sürməyi də  bacarır. İndi isə elə bir şərait olmadığından heç bir idman növü ilə məşğul olmur”.

Ana Vətən Partiyasının sədri Fəzail Ağamalı idmanın hansı növü ilə məşğul olmağından danışarkən belə deyib:
“Universitetdə oxuduğum illərdə güləşlə ciddi məşğul olmuşam. Müəyyən uğurlar qazanmışam. Ancaq sonradan bu idman növü ilə obyektiv səbəblərə görə vidalaşdım. Çünki qəzaya uğramağım nəticəsində ayağımdan aldığım yara imkan vermədi ki, güləşə olan marağımı davam etdirim. Voleybolla da məşğul olmuşam. Deyərdim ki, bu idman növünün həvəskarı olmuşam. Hətta, 44-45 yaşıma qədər həftədə 2-3 dəfə voleybolla müntəzəm məşğul olmuşam. İndi isə üzgüçülüklə məşğul oluram. Bu idman növünü indi daha çox sevirəm”.

AXCP sədri Əli Kərimlinin hansı idman növü ilə nə zaman və yaxud da indi məşğul olduğunu dəqiqləşdirə bilmədik.

Namidə  BİNGÖL

BU KATEQORİYADAN OLAN DİGƏR XƏBƏRLƏR
+ Arxiv
Valideynləri azyaşlı uşaqlara işgəncə verib - Fotolar 8 Dekabr 2019, 17:48 Astarada ev yanıb, 57 yaşlı kişinin yanmış meyiti tapılıb 8 Dekabr 2019, 17:36 Aftandil Hacıyev: "10 oyun qalib gəlməmək böyük problem deyil" 8 Dekabr 2019, 17:31 Qusarda 15 yaşlı qız dəm qazından zəhərlənərək ölüb 8 Dekabr 2019, 17:17 İranda 15 min 618 deputatlığa namizəd qeydə alınıb 8 Dekabr 2019, 16:44 Azərbaycan ağırlıqqaldıranı ikinci dəfə Avropa çempionu olub 8 Dekabr 2019, 16:08 Həmkarı Yevda Abramovdan yazdı 8 Dekabr 2019, 16:02 Azərbaycan taekvondoçuları Avropa birinciliyində 7 medal qazanıb 8 Dekabr 2019, 15:33 Yevda Abramov dəfn olundu - YENİLƏNİB - FOTOLAR 8 Dekabr 2019, 15:09 Azərbaycan XİN Ukrayna xalqına başsağlığı verib 8 Dekabr 2019, 14:57 Messi tarix yazmağa davam edir - YENİ REKORD 8 Dekabr 2019, 14:44 Ukraynada matəm elan olunub 8 Dekabr 2019, 14:18 Elçibəyin nəvəsinin yeni fotosu yayılıb 8 Dekabr 2019, 14:06 "Sədərək" Ticarət Mərkəzində avtobus və minik avtomobili toqquşub 8 Dekabr 2019, 13:34 Deputat: “Mikayıl Cabbarov əsaslı cavabı ilə erməni təxribatının qarşısını aldı” 8 Dekabr 2019, 13:27 Sabaha gözlənən hava proqnozu açıqlanıb 8 Dekabr 2019, 13:05 “Həzi Aslanov” stansiyası bağlanacaq? Rəsmi cavab 8 Dekabr 2019, 12:58 Cəlilabadda icra nümayəndəsi yol qəzası törətdi: həyat yoldaşı öldü 8 Dekabr 2019, 12:44 Oğlunun öldüyünü zənn edən atanın ürəyi yatdı 8 Dekabr 2019, 11:42 Yevda Abramovun dəfn mərasimi keçirilir 8 Dekabr 2019, 11:35  “Mənim burda yerim hanı?” - Tanınmış şairə haqda dərc olunmayan YAZI 8 Dekabr 2019, 11:11 Restoran mafiyası insanları müflis edir: Xalq şairindən ilginc AÇIQLAMA 8 Dekabr 2019, 11:07 Otel otağında kimsəsiz ölən dahi... 8 Dekabr 2019, 10:53 Ermənilər atəşkəsi 23 dəfə pozublar   8 Dekabr 2019, 10:06 Avtomobilin banından 27 yaşlı qızın meyiti götürülüb 8 Dekabr 2019, 09:33 Hindistanda zavod yandı: 32 can aldı 8 Dekabr 2019, 09:17 Prezident 92 məhkumu əfv edib 8 Dekabr 2019, 00:57 ABŞ terror təşkilatı ilə danışıqları bərpa edir 8 Dekabr 2019, 00:42 Paytaxtda minik maşını “Şaqman”la toqquşdu 8 Dekabr 2019, 00:16 Şadlıq sarayında bıçaqlanma 7 Dekabr 2019, 23:55 Prezidentlərin görüşündə işıq söndü 7 Dekabr 2019, 23:33 Balıqçı gəmisi qəzaya uğradı 7 Dekabr 2019, 23:16 Millinin oyunlarının başlama vaxtı açıqlandı 7 Dekabr 2019, 22:59 Avtomobil teatra gedən məktəbliləri əzdi: 1 ölü, 12 yaralı 7 Dekabr 2019, 22:33 Ziya Bünyadovun oğlu dünyasını dəyişdi 7 Dekabr 2019, 22:17
SORĞU Azərbaycan TV-lərində bu verilişlərdən ən çox hansına baxırsınız?