Arxiv
30 Noyabr 2015, 17:53 | TƏHSİL
Bakıda yaşayan türkiyəli musiqiçi: “Azərbaycanlı dinləyicilərin gözəl musiqi zövqü var”

“Azərbaycanda uzun müddət qalacağımı düşünürəm”

Modern.az saytının müsahibi Bakıda yaşayan  İzmirli gitara ifaçısı və musiqiçisi  Hakan Karcıdır. 

Hakan Bakıya İzmirdən gəlib. Hazırda Bakıda restoranların  birində çalışan müsahibimiz artıq 1 ildir, Bakıda yaşayır. Həmsöhbətimiz deyir ki, o, Azərbaycanı o qədər sevir ki, özünü qərib ölkədə hiss etmir: “Azərbaycanlılar o qədər qonaqpərvər və istiqanlıdırlar ki, heç bir əcnəbi burada özünü qərib diyardakı kimi hiss etməz. Bəzi ölkələrdə əhali insana o qədər soyuq davranır ki, tezliklə öz işini bitirib qaçmaq istəyirsən. Amma Azərbaycan belə deyil. İnsanlar xüsusilə xaricilərə qarşı çox səmimi münasibət göstərirlərki, bu da hər kəs tərəfindən təqdir edilir. Mən buraya gələndə uzunmüddətli qalacağımı düşünməmişdim. Lakin Azərbaycanı gördükdən və insanların səmimi münasibətindən  o məmnun qaldım ki, gəldikdən 1 həftə sonra Azərbaycanda uzun müddət qalmağı qərara aldım

Hakan deyir ki, buraya gəlməzdən öncə Türkiyədə yaşayan, təhsil alan, işləyən həmyerlilərimizdən  ölkəmiz haqqında az da olsa  məlumatı var idi. O,  Azərbaycana  İzmirdə işlədiyi vaxtlarda Azərbaycanlı iş adamı dostunun təklifi ilə gəlib: “Düzdür, Türkiyədə olanda ölkəniz haqqında məlumatım var idi. Xüsusilə İçərişəhər, Qız qalası ilə maraqlanır, şəkillərinə baxırdım. Amma burada işləməyi düşünməmişdim.  Dostumuz Azərbaycan haqqında o qədər gözəl danışdı ki, tezliklə bu ölkədə işləməyi qarşıma məqsəd qoydum və gəldim.

Azərbaycan həqiqətən çox gözəl və əsrarəngiz ölkədir. Düzünü desəm, mən buranı bu dərəcədə müasir olduğunu, inkişaf etdiyini, Avropanın qabaqcıl şəhərləri ilə müqayisə olunacaq dərəcədə inkişaf etdiyini bilmirdim.  Azərbaycan mənim xəyalımda düzünü desəm belə böyük və qabaqcıl deyildi. İçərişəhəri gördükdən sonra bütün Azərbaycanı İçərişəhərə bənzədirdim. Aeroportdan çıxdıqdan sonra bir doğmalıq, yaxınlıq məni özünə çəkdi”. 

Beləliklə, Modern.az Hakan Karcı ilə müsahibəni təqdim edir.

- Hakan bəy, əvvəlcə musiqi ilə ilk tanışlığınızdan danışaq.

- Musiqiyə uşaq yaşlarından həvəs göstərmişəm. əksər usaqlar kimi mən də evdə özüm , ailəm , dostlarım üçün mahnılar çalıb, oxuyurdum. Notlarla ilk tanışlığım atamın evimizə aldığı pianino ilə başladı. Musiqinin sehrinə isə lisey illərində düşdüm. Əmimlə birlikdə toylarda ifa etməyə başladıqdan sonra məzunu olduğum elektromexanik ötürücülər ixtisasından musiqiyə tam keçid elədim.

Daha sonra kafe,restoranlarda davamlı olaraq çalışmağa başladım. Beləliklə bir  də gördüm ki, musiqi mənim hayatımın  bir parçası olub.

- Azərbaycandinləyicilər ilə münasibət qura  bilməkdə çətinliyiniz oldumu?

- İlk olaraq onu deyim ki, bizim qardaş ölkə olmağımızı hava limanına ilk addımı atdığımda hiss elədim. Bayrağımız, dilimiz, adət-ənənələrimiz,  bir çox xüsusiyyətlərimiz  bir-birinə çox bənzəyir. Rahat şəkildə münasibət qura bilmək, səmimi dostlar və  azərbaycanlı dinləyicilərin musiqiyə olan sevgisi, hörməti məni burda uzun müddət qalmağa sövq edir.


- Sizcə, Azərbaycan və Türkiyə auditoriyası arasında hansı fərqlər var  ?

- Azərbaycanlı dinləyicilərin musiqi zövqü çox yüksəkdir. Onlar  yaxşı səs və gözəl musiqi istəyir. Əgər sən onlara yaxşı bir musiqi ifa etməsən səni dinləməzlər. İzmirdə yaxşı musiqidən əlavə dinləyicilər yenilik axtarırlar, fərqli musiqi, fərqli sənət görmək istəyirlər.

- Sizi dinləməyə gələnlər əsasən kimlərdi?

- Orta yaşlı insanlar daha çox gəlir, 80-90-cı illərin mahnılarını ifa etdiyim üçün o yaş qrupuna aid insanlar dinləyicilərim arasında çoxluq təşkil edir. Bəzən gəncləri də görmək olur.

Musiqinin dili yoxdur deyirlər, sizcə bir musiqini çatdırmaq üçün onun sözləri önəmlidirmi?

Musiqi duyğularla ifa edilən bir sənət sahəsidir. Musiqinin hansı ruh halı ilə ifadə edilməsi çox önəmlidir. Bəzən ən həzin musiqi parçasında xoşbəxt ola, bəzən də ən şən mahnıda duyğulana bilərsən. Musiqi xatirələrə və duyğulara bağlı bir sənət sahəsidir. Musiqinin dili, dini, irqi yoxdur.

- Azəri mahnılar ifa edirsiniz?

- “Sarı gəlin” mahnısı üzərində işləyirəm. Çox bəyəndiyim və sevərək oxuduğum mahnılarınızdan biri də “Ayrılıq”dır. Dinləməyə gələn qonaqlarımız həm təəccüblə, həm də sevərək dinləyir.

- Gitaranın küçə musiqisinin bir parçası olması sizi bir musiqiçi, gitara ifaçısı kimi narahat etmir ki?

- Düşünürəm ki, musiqinin məkanı yoxdur. Janrından və üslubundan asılı olaraq musiqi harada ifa edilsə az da olsa musiqi duyumu olan insanlar tərəfindən səsləndiyində seviləcək. İstanbulda mənə də  belə təklif gəlmişdi.

- Azərbaycanı gəzmək fürsətiniz oldumu?

- Bakıdan  kənara çıxa bilməmişəm hələ. Bir ildir Bakıdayam. Artıq Bakı İzmir qədər doğma gəlir mənə. Bakının Sahil bulvarı, İçərişəhəri, Tarqovusu isə  İzmiri xatırladır. Şəhər də insanlar da işıqlıdır.


Şəbnəm Mehdizadə 

Foto: Cavid Abbaslı

BU KATEQORİYADAN OLAN DİGƏR XƏBƏRLƏR
+ Arxiv
Türkiyə Müdafiə Nazirliyindən Laçın PAYLAŞIMI 1 Dekabr 2020, 01:40 Paytaxtda “Opel” yandı 1 Dekabr 2020, 01:00 “Barselona” yeni prezidentini bu tarixdə seçəcək 1 Dekabr 2020, 00:55 İraqda daha bir SEPAH komandiri öldürüldü 1 Dekabr 2020, 00:42 Setyen "Barselona"nı məhkəməyə verdi 1 Dekabr 2020, 00:29 Azərbaycan Ordusu Laçına daxil oldu - RƏSMİ - VİDEO 1 Dekabr 2020, 00:15 Laçın bu gün Azərbaycana qaytarılır 1 Dekabr 2020, 00:01 Britaniyada daha 12 min nəfərdə yoluxma aşkarlandı 30 Noyabr 2020, 23:54 Paşinyanın istefasını tələb edən onlarla etirazçı saxlanıldı 30 Noyabr 2020, 23:47 Baş nazir koronavirusa yoluxdu 30 Noyabr 2020, 23:35 Tələbələrin ölümü ilə nəticələnən qəzanın görüntüləri yayıldı - VİDEO 30 Noyabr 2020, 23:23 Azərbaycan Gürcüstana humanitar yardım göndərdi 30 Noyabr 2020, 23:10 İtaliyada koronavirusla bağlı son vəziyyət 30 Noyabr 2020, 22:59 Türkiyədə koronavirusdan rekord ölüm 30 Noyabr 2020, 22:44 Sonuncu erməni Laçını tərk etdi - VİDEO 30 Noyabr 2020, 22:30 Çempionlar Liqası matçını ilk dəfə qadın hakim idarə edəcək 30 Noyabr 2020, 22:18 Türkiyədə qadağalar sərtləşdirildi - Ərdoğan məhdudiyyətləri açıqladı 30 Noyabr 2020, 22:05 OPEK qərarını verdi 30 Noyabr 2020, 21:58 Teledərslərin sabaha olan CƏDVƏLİ 30 Noyabr 2020, 21:46 “Barselona” Messinin bu hərəkətinə görə cərimələnəcək 30 Noyabr 2020, 21:35 “AzerTelecom”un layihəsi beynəlxalq konfransda müzakirə edilib - FOTO 30 Noyabr 2020, 21:29 Ermənistanda növbəti etiraz aksiyası 30 Noyabr 2020, 21:21 Gürcüstanda zəlzələ 30 Noyabr 2020, 21:07 Türkiyənin hərbi istehkamçıları Azərbaycana gəlib - RƏSMİ 30 Noyabr 2020, 20:54 Tramp vaksinin istifadəsinə icazə verməyə çağırdı 30 Noyabr 2020, 20:49 Gürcüstanda nazir və müavini koronavirusa yoluxdu 30 Noyabr 2020, 20:36 Nazir Günay Əfəndiyeva ilə görüşdü 30 Noyabr 2020, 20:24 Salyanda azyaşlını maşın vurdu 30 Noyabr 2020, 20:13 Qızıl və gümüş ucuzlaşdı 30 Noyabr 2020, 20:03 Nazirlik qazi Kənanı nəzarətə götürdü - anası işlə təmin edildi 30 Noyabr 2020, 19:52 Rusiya sülhməramlıları üçün növbəti maddi-texniki təminat vasitələri gətirildi - VİDEO 30 Noyabr 2020, 19:43 Şamil Ayrım İlham Əliyevi təbrik etdi 30 Noyabr 2020, 19:34 Türk minaaxtaranlar Qarabağda - FOTO 30 Noyabr 2020, 19:25 Hulusi Akardan Qarabağda atəşkəsə nəzarətlə bağlı AÇIQLAMA 30 Noyabr 2020, 19:16 Bayrağı uca 30 Noyabr 2020, 19:07
SORĞU Cəbhə xəbərlərini hansı mənbədən alırsınız?