Bakı metrosunda səhər saatlarından sərnişin sıxlığı müşahidə olunur.
“Bakı Metropoliteni” QSC-dən Modern.az-a verilən məlumata görə, sıxlığa səbəb qatarların hərəkətinin bu gün şənbə qrafikinə uyğun təşkil edilməsidir.
Hazırda metronun bir sıra stansiyalarında platforma və keçidlərdə sıxlıq yaranıb.
Qeyd edək ki, dünən 12:00 radələrində metroda texniki nasazlıq yaranıb və bütün stansiyalara girişə məhdudiyyət qoyulub. Saat 15.00-da stansiyalara giriş bərpa edilib.
