Bu il nikah üçün müraciət edən 745 nəfərdə talassemiya daşıyıcılığı aşkarlanıb.
Bunu Modern.az-ın sorğusuna cavab olaraq Səhiyyə Nazirliyi Milli Hematologiya və Transfuziologiya Mərkəzindən bildirilib.
Hazırda ölkəmizdə 3190 nəfər talassemiya xəstəsinin rəsmi qeydiyyatda olduğu bildirilir. Pasiyentlər tam şəkildə dövlət hesabına müalicə və dərman preparatları ilə təmin olunur.
Qeyd edək ki, talassemiya valideyinlərdən genetik olaraq keçən, qanda hemaqlobin adlı maddənin yaranmasına təsir edən genetik bir xəstəlikdir.
