Yaxın saatlarda Abşeron yarımadasının bəzi şəhərətrafı ərazilərində qısamüddətli leysan yağışla birlikdə dolu düşəcəyi ehtimal olunur.
Modern.az xəbər verir ki, bununla bağlı Milli Hidrometeorologiya Xidməti məlumat yayıb.
Məlumata görə, qeyri-sabit hava şəraiti fonunda yarımadanın bəzi ərazilərində qısamüddətli intensiv yağıntı müşahidə oluna, leysanla yanaşı dolu da yağa bilər.
Vətəndaşlara hava şəraitində baş verə biləcək ani dəyişiklikləri nəzərə almaları və ehtiyatlı olmaları tövsiyə edilir.
