“Azərbaycanda 2020-ci ilin fevralın 9-da təyin edilmiş parlament seçkilərində iştirakla bağlı 3 siyasi partiya namizəd irəli sürməyib”.
Modern.az xəbər verir ki, bu sözləri Mərkəzi Seçki Komissiyasının (MSK) sədri Məzahir Pənahov MSK-nın bu gün keçirilən iclasında deyib. Sədr qeyd edib ki, parlament seçkilərində iştirak etmək üçün indiyə qədər 1611 nəfər müraciət edib:
“ Onlardan 293-ü 17 siyasi partiya tərəfindən irəli sürülüb. Ancaq hələ ki, 3 siyasi partiya tərəfindən seçkilərdə iştirak etmək üçün namizədlər irəli sürülməyib. Yəqin ki, yaxın vaxtlarda həmin siyasi partiyalar da öz namizədlərini irəli sürəcəklər”.
