Modern.az xəbər verir ki, bir sıra səhiyyə müəssisələri mayın 12-dən - "Eurovision"ın məşqləri başlayan gündən gücləndirilmiş iş rejimində işləyəcəklər. Səhiyyə Nazirliyinin mətbuat və informasiya şöbəsindən verilən məlumata görə, musabiqəylə əlaqədar olaraq, Bakı Şəhər Təcili və Təxirəsalınmaz Tibbi Yardım Stansiyası, Kliniki Tibbi Mərkəz, 2 saylı Şəhər Kliniki Uşaq Xəstəxanası, 5 saylı Şəhər Kliniki Xəstəxanasının Yanıq şöbəsi, 5 saylı Doğum Evi gücləndirilmiş iş rejimində çalışacaqlar. Əgər qonaqlardan xəstəliklə bağlı, muraciətlər olsa, həmin şəxslər adıçəkilən müəssisələrə aparılacaq. Bu müəssisələr üçün lazımı şərait yaradılıb.
Nihadə Eyyubova
