“Hazırda rayon təhsil şöbələrində çalışan təcrübəli və peşəkar kadrlar regional təhsil idarələrində işlə təmin olunacaqlar”.
Bunu Modern.az-ın sorğusuna cavab olaraq Təhsil Nazirliyinin mətbuat xidmətindən bildiriblər.
Qeyd edək ki, iyulun 24 -də prezident İlham Əliyev Təhsil Nazirliyinin regional idarələri yaradılması ilə bağlı sərəncam imzalayıb.
Nazirlikdən bildiriblər ki, Regional İdarələrinin yaradılması ilə bağlı hazırda işçi qrup fəaliyyət göstərir: “Yeni regional idarələr 2015-ci ilin yanvarın 1-dək fəaliyyətini davam etdirəcək rayon (şəhər) təhsil şöbələrinin bazasında yaradılacaq. Hər bir rayonda təhsil məsələlərinə cavabdeh regional idarələrin nümayəndələri olacaq”.
Rüfanə GÜNƏŞ
