Azərbaycan əsilli biznesmen Vahid Ələkbərovun sahibi olduğu “Lukoyl” şirkəti 2015-ci ilin ilk 6 ayı üçün maliyyə hesabatını açıqlayıb. Modern.az Rusiya KİV-nə istinadən xəbər verir ki, hesabatda Rumıniyanın Qara dəniz şelfindəki qaz yatağının quru çıxdığı göstərilib.
“Lukoyl” şirkətinin burğu və kəşfiyyat işlərində 244 milyon dollar zərər çəkdiyi də göstərilib. 2016-cı ildə şirkət Rumıniyada daha 2 kəşfiyyat quyusu qazmaq niyyətindədir.Bundan öncə, Rumıniya prokurorluğu “Lukoyl”un törəmə şirkətinə qarşı “çirkli pulların yuyulması ittihamı” ilə cinayət işi açıb. Vahid Ələkbərov 11,9 milyard şəxsi sərvətlə dünyanın ən zəngin azərbaycanlısı sayılır.
Vüqar İsmayılov
