Həcc ziyarətində daha bir azərbaycanlı zəvvar dünyasını dəyişib. Modern.az xəbər verir ki, Qafqaz Müsəlmanları İdarəsinindən hadisəni təsdiqləyiblər.
Verilən məlumata görə Kəklik Aslanova günvurma diaqnozu ilə xəstəxanaya yerləşdirilib. Həkimlərin səylərinə baxmayaraq qadının həyatını xilas etmək mümkün olmayıb.
Qeyd edək ki, sentyabrın 24-də digər azərbaycanlı zəvvar, 55 yaşlı Fəxrəddin Zeynallı Minada şeytanı daşlayıb qurban kəsdikdən sonra qəfildən dünyasını dəyişmişdi. Onun ürək tutmasından öldüyü bildirilir.
Modern.az
