2010-cu il noyabrın 7-də Azərbaycan Respublikası Milli Məclisinə keçiriləcək seçkilərlə əlaqədar ictimaiyyətlə işgüzar əlaqələrin möhkəmləndirilməsi, vətəndaşların təklif və şikayətlərinin qəbul edilməsi və müraciətlərə operativ cavab verilməsi məqsədilə Bakı şəhər Baş Polis İdarəsində “qaynar telefon xətti” yaradılıb.
İdarənin mətbuat xidmətindən verilən məlumata görə, seçki kampaniyası dövründə Bakı şəhərində polisin xidməti ilə əlaqədar hər hansı narazılıq və ya anlaşılmazlıq yaranarsa, paytaxt sakinləri Baş İdarəyə gün ərzində (012)590-96-80, (012) 590-91-15 nömrəli telefonlarla müraciət edə bilərlər.
Modern.az
