Ռուսաստանում Պետդումայի ընտրություններում միամանդատ ընտրատարածքներում ամենաբարձր արդյունքը ցույց է տվել Չեչենական Հանրապետությունից թեկնածու Ադամ Դելիմխանովը։
Modern.az-ը հայտնում է, որ Կենտրոնական ընտրական հանձնաժողովի հրապարակած տվյալների համաձայն՝ «Միասնական Ռուսաստան» կուսակցությունից թեկնածու Դելիմխանովը Չեչնիայում հավաքել է ձայների 95,21 տոկոսը։ Դրանով նա դարձել է միամանդատ ընտրատարածքներում ամենաբարձր արդյունք ցուցաբերած թեկնածուն։
Երկրորդ արդյունքը պատկանում է Դաղստանից թեկնածու Խիզրի Աբակարովին։ Նա հավաքել է ձայների 89,8 տոկոսը։ Հյուսիսային Օսիայից թեկնածու Իվան Դեմչենկոն ցույց է տվել 86,71 տոկոս արդյունք։
Հաջորդ տեղերում են Վորոնեժի մարզից Ալեքսեյ Գորդեևը՝ 84,76 տոկոս, իսկ Պետդումայի նախագահ Վյաչեսլավ Վոլոդինը՝ Սարատովի մարզից՝ 82,93 տոկոս։
Նշենք, որ Ռուսաստանում Պետդումայի ընտրություններն անցկացվել են սեպտեմբերի 18-20-ը։ Դելիմխանովի արդյունքը մոտ 4,6 տոկոսային կետով ցածր է Չեչնիայի ղեկավար Ռամզան Կադիրովի նույն ընտրություններում ստացած 99,85 տոկոս արդյունքից։
