Հայաստանի օկուպացիայի ժամանակ Ղարաբաղում բնակավայրերը ավերվել են, շինանյութերը և նույնիսկ գերեզմանաքարերը թալանվել և վաճառվել են:
Modern.az-ը հայտնում է, որ այս մասին հայտարարել է նախագահ Իլհամ Ալիևը՝ ընդունելով Թյուրքական պետությունների կազմակերպության մուսուլմանական կրոնական վարչությունների ղեկավարներից և այլ կրոնական ներկայացուցիչներից կազմված պատվիրակությանը:
Պետության ղեկավարը նշել է, որ Աղդամում օկուպացիայի ժամանակ ոչ մի շենք չի մնացել անվնաս:
«Օկուպացիայի ժամանակ Աղդամում ոչ մի շենք չէր մնացել՝ ոչ քաղաքում, ոչ էլ օկուպացված գյուղերում: Բոլոր շենքերը քանդվել էին, քարերը թալանվել և տարվել էին շուկաներում վաճառելու համար», – ասել է նախագահը:
Իլհամ Ալիևի խոսքով՝ թալանը չի շրջանցել նաև գերեզմանատները:
«Քանդված քարերը, շենքերի տանիքները, շրջանակները՝ ամեն ինչ, նույնիսկ գերեզմանաքարերը տարել էին: Գերեզմանաքարերի վրայի անունները ջնջելով դրանք վաճառում էին շուկաներում որպես մարմար և գրանիտ: Մենք բախվել էինք նման աննախադեպ թալանի: Նույնիսկ գերեզմանները փորում էին և հանել մահացածների ոսկե ատամները»:
Նախագահը հայտարարել է, որ ավերածությունների հիմնական նպատակներից մեկը եղել է ադրբեջանցիների վերադարձը հայրենի հողեր անհնարին դարձնելը:
