Avropa çempionatında Almaniya və Şotlandiya yığmaları arasında keçirilən matç başa çatıb.

Modern.azxəbər verir ki, Münxen şəhərində yerləşən "Alyants Arena"da oynanılan açılış görüşü almanların 5:1 hesablı qələbəsi ilə yekunlaşıb.

Almaniya millisinin qollarını 10-cu dəqiqədə Florian Virts,19-cu dəqiqədə Camal Musiala, 45+1-ci dəqiqədə Kai Haverts, 69-cu dəqiqədə Niklas Füllkruq və 90+3-cü dəqiqədə Emra Can vurublar.

Şotlandiyanın yeganə qoluna isə 87-ci dəqiqədə avtoqol müəllifi olan Antonio Rüdiger imza atıb.

Qeyd edək ki, qrupun digər oyunu bu gün Macarıstan və İsveçrə arasında olacaq. Görüş Bakı vaxt ilə saat 17:00-da start götürəcək.

***

23:01

Avropa çempionatında Almaniya və Şotlandiya yığmaları arasında keçirilən matç başlayıb.

Modern.az xəbər verir ki, Münhen şəhərində yerləşən "Alyants Arena"da oynanılan görüş Bakı vaxtı ilə saat 23:00-da start götürüb.

Matçı fransalı Kleman Trüpen idarə edir.

Matça komandalar aşağıdakı "11-liklər"lə çıxıblar:

Almaniya: Manuel Noyer, Kimmix, Rüdiger, Tah, Mittelştadt, Andriç, Toni Kroos, Camal Musiala, İlkay Gündoğan, Florian Virts, Haverts

Şotlandiya: Qun, Porteous, Hendri, Tierney, Ralston, MkTominay, MkQreqor, Robertson, McQinn, Adams, Kristie