Bakıda məcburi köçkünlərin yataqxanasında baş vermiş yanğın nəticəsində Təcili və Təxirəsalınmaz Tibbi Yardım Stanasiyasına (TTTYS) 22 müraciət daxil olub. Səhiyyə Nazirliyindən Modern.az-a verilən məlumata görə, insanlar əsasən 1 saylı Klinik Tibbi Mərkəzə aparılıb:
“8 nəfərə hadisə yerində yardım göstərilib, 14 nəfər 1 saylı Klinik Mərkəzin Toksikologiya şöbəsinə gətirilib. Onlardan 5 nəfəri hospitalizasiya edilib və vəziyyətləri orta ağır qiymətləndirilir. Digərləri ambulator qaydada yardım göstərildikdən sonra evə buraxılıb”.
Rəsmi məlumata görə, 2 nəfər xəstəxanaya gətirldikdən dərhal sonra ölüb.
