Eron AQSHning Tehron tomonidan ilgari surilgan barcha shartlarini qabul qilmaguncha Vashington bilan muzokaralar olib bormaydi.
Modern.az xabar berishicha, bu haqda Eron parlamentining Milliy xavfsizlik va tashqi siyosat komissiyasi raisi Ibrohim Azizi o‘zining “X” ijtimoiy tarmog‘idagi sahifasida yozgan.
“Vashington Eronning barcha shartlarini qabul qilmaguncha AQSH bilan muzokaralar bo‘lmaydi”, – dedi Azizi.
Eronlik deputat AQSHni Tehronning qat’iyatini yana bir bor sinab ko‘rishga urinadigan bo‘lsa, buning oqibatlari og‘ir bo‘lishi haqida ogohlantirdi.
Uning so‘zlariga ko‘ra, bunday qadam faqat AQSHning yangi mag‘lubiyatlariga va buning “narxi” yanada oshishiga olib keladi.
“Qat’iyatimizni yana bir bor sinab ko‘rishingiz faqat sharmandali mag‘lubiyatlaringiz narxini oshiradi. Shubhasiz, miqyosidan qat’i nazar, hech bir jinoyat javobsiz qolmaydi”, – dedi Azizi.
Eron parlamenti komissiyasi raisi Tehronning javobi “vayronkor, yanada og‘riqli va ibratli” bo‘lishini va AQSHning mag‘lubiyatlar seriyasining davomiga aylanishini qo‘shimcha qildi.
