Bahrayn Eron bilan diplomatik munosabatlar tiklanmaguncha bu davlat bilan o'tkaziladigan jamoaviy uchrashuvlarda ishtirok etmaydi.
Modern.az xabar berishicha, bu haqda Bahrayn Tashqi ishlar vazirligi ma'lumot tarqatdi.
Qayd etilishicha, Bahrayn Hormuz bo'g'ozidagi vaziyat bo'yicha vazirlar yig'ilishida ham ishtirok etmaydi. Mamlakat Eron bilan diplomatik aloqalar tiklanmaguncha Tehron ishtirok etadigan har qanday jamoaviy yig'ilishda qatnashmaydi.
Vazirlikdan ta'kidlanishicha, Bahrayn bu pozitsiyasini avvalroq diplomatik kanallar orqali Ummon tomoniga rasman yetkazgan.
Shunga qaramay, TIV qaror Ummon hukumatining sa'y-harakatlariga berilgan bahoga ta'sir qilmasligini ta'kidladi. Vazirlik Ummonni kelishmovchiliklarni hal qilish uchun muloqotga sodiqligi uchun olqishladi.
