Kanadanın Nyufaundlend adasında 32 yaşlı şəxs kiçik həcmli Sessna 180 təyyarəsini oğurlayaraq “gəzintiyə” çıxıb. Modern.az xarici mediaya istinadən bildirir ki, ancaq oğru idarəetməni itirib və hava gəmisi Mitçells Pond gölü yaxınlığında, havaya qalxdığı yerdən təxminən 10 kilometr aralıda qəzaya uğrayıb.
Qəzada ölüm faktı qeydə alınmayıb, 59 yaşlı sərnişin yüngül xəsarətlər alıb, oğru pilot isə sağ-salamat polisə təslim olub. Ona artıq ittiham da irəli sürülüb. Bundan əlavə, şübhəli şəxs 5 min dollar oğurlamaqda da şübhəli bilinir.
Modern.az
