Ötən gecə Rio-2016 yay Olimpiya Oyunlarında mübarizəyə qatılan 2 Azərbaycan boksçusu növbəti mərhələyə keçə bilib.
Modern.az-ın xəbərinə görə, ilk döyüşdəcə 2 qat dünya çempionu olmuş Məhəmmədrəsul Məcidov 91 kiloqramda 1/16 final mərhələsində döyüşüb.
Rinqdə rəqibi mərakeşli Mohammed Arjauini çətin vəziyyətə salan Məhəmmədrəsul Məcidov 3:0 hesabı ilə Mqalib gəlib.
Onun 1/8 finaldakı rəqibi qazaxıstanlı İvan Dıçko olacaq.
Digər boksçumuz Albert Səlimov 60 kq çəki dərəcəsində irlandiyalı Devid Oliver Coys ilə qarşılaşıb. Yekunda azərbaycanlı boksçu 3:0 hesabı ilə qalib gələrək, adını 1/4 finala yazdırıb.
Səlimovun növbəti mərhələdə rəqibi fransalı Sofian Umiha olacaq.
Ağa AKİFOĞLU
