Samux rayonunda su kanalında batan şəxsin meyiti tapılıb. Modern.az xəbər verir ki, hadisə bu gün rayonun Qarabağlar kəndi ərazisində qeydə alınıb.
Belə ki, Samux rayonunun Çobanabdallı kənd sakini, 24 yaşlı Ceyhun Zaməddin oğlu Allahverdiyev su kanalında batıb. Meyit Fövqəladə Hallar Nazirliyinin dalğıc-axtarış qrupu tərəfindən aşkarlanıb. Onun çimərkən boğulduğu bildirilir.
Faktla bağlı Samux rayon Prokurorluğunda araşdırma aparılır.
