Bir qrup silahlı Mərkəzi Afrika Respublikasında (MAR) BMT sülhməramlılarının karvanına hücum edib.
Bu haqda Modern.az xarici KİV-ə istinadən xəbər verir.
Məlumata görə, bu barədə BMT-nin baş katibinin mətbuat katibi Stefan Düjarrik bildirib.
Onun sözlərinə görə, hücum nəticəsində bir tanzaniyalı BMT sülhməramlısı həlak olub, 7 sülhməramlı isə yaralanıb.
Beləliklə, ilin əvvəlindən Mərkəzi Afrika Respublikasında həlak olan sülhməramlıların sayı 4-ə çatıb.
