Bakının Xəzər rayonunda bıçaqlanma hadisəsi baş verib.
Modern.az "Report"a istinadən xəbər verir ki, hadisə Binə qəsəbəsində yerləşən "Bənövşə" şadlıq sarayında keçirilən toy mərasimində qeydə alınıb.
Mərasimdə yaran mübahisə zamanı 2 nəfər - 1989-cu il təvəllüdlü Əliyev Samir Heydər oğlu və 1976-cı il təvəllüdlü Əliyev Elçin Qadir oğlu bıçaqlanıb.
Hər iki yaralı xəstəxanaya çatdırılıb. S.Əliyev və E.Əliyevə qarının ön divarının kəsilmiş-deşilmiş yarası diaqnozu qoyulub.
Faktla bağlı Xəzər Rayon Polis İdarəsində araşdırma aparılır.
