“Şəkərli diabet xəstəsinə insulin təyini Nazirlər Kabinetinin müvafiq qərarına əsasən tənzimlənir”.
Bu barədə Tibbi Ərazi Bölmələrini İdarəetmə Birliyindən (TƏBİB) Modern.az-ın Ağstafadan olan şikayətçi Ella Qəhrəmanovanın şikayətinə əsasən ünvanlanan sorğusuna cavab olaraq bildirilib.
Rəsmi məlumata görə, qərarla hər bir xəstə üçün vahid norma müəyyənləşib:
“O normanın azaldılıb-artırılması yolverilməzdir”.
Qeyd edək ki, Ağstafa sakini, şikayətçi E.Qəhrəmanova hər ay poliklinika həkimindən 2 flakon – “İnsularatd”, “Actrapid” insulinlərini aldığını bildirib:
“Dünən poliklinikada sadəcə 1 flakon verib dedilər ki, bizlik deyil, Bakıdan belə tapşırıblar. Baş həkim İlham Sofiyev də paytaxtdan belə göstəriş aldıqlarını açıqladı”.
