Çex Respublikası Azərbaycanın azad olunan bölgələrinin nəqliyyat infrastrukturuna böyük investisiyalar yatırmaq məqsədi ilə bir sıra yeni layihələr hazırlayır.
Modern.az xəbər verir ki, bu barədə Trend-ə Çex Respublikasının Bakıdakı səfiri Milan Ekter bildirib.
Onun sözlərinə görə, Çex Respublikası Azərbaycanla enerji, o cümlədən bərpa olunan enerji mənbələri (RES) sahəsində əməkdaşlıqda maraqlıdır.
Diplomat səfirliyin bu istiqamətlə əlaqədar çexiyalı nanotexnologiya mütəxəssisləri və ticarət-biznes təşviqat təşkilatları ilə videokonfranslar keçirdiyini bildirib.
Ekterin sözlərinə görə, bu, koronavirus pandemiyasından sonra Azərbaycanla əlaqələrin inkişafına aparan ilk addımdır.
O xatırladıb ki, daha əvvəl Azərbaycan ilə Çex arasında böyük layihələr həyata keçirilib. Xüsusilə, Bakı hava limanına gedən yolda Çex istehsalı olan məlumat lövhəsi quraşdırılıb.
