Hesablama Palatasının sədri Vüqar Gülməmmədovun rəhbərlik etdiyi nümayəndə heyəti iyulun 7-dən 9-dək Türkiyənin Ankara şəhərində səfərdə olub.
Modern.az-ın məlumatına görə, Azərbaycan Respublikası Hesablama Palatası ilə Türkiyə Hesablama Məhkəməsi arasında 2005-ci il tarixində imzalanmış əməkdaşlıq haqqında ikitərəfli Saziş çərçivəsində təcrübə mübadiləsi aparılıb. Eləcə də hər iki təşkilatın gələcəkdə birgə fəaliyyətinin prioritet istiqamətlərinin müəyyən edilməsi məqsədini daşıyan səfər zamanı Azərbaycan Respublikası Hesablama Palatası ilə Türkiyə Hesablama Məhkəməsi arasında qarşılıqlı əməkdaşlığın daha da gücləndirilməsi məsələləri müzakirə olunub.
